Sa gitna ng trahedya, hindi pa rin maiaalis sa mga Pilipino ang pagiging masayahin dahil pabiro nilang itinurong dahilan ng lindol ang "honeymoon" nina Hidilyn Diaz at Julius Naranjo.
Pagkatapos tumama ng 7.3-magnitude earthquake sa bansa ngayong umaga ng Miyekules, July 27, 2022—kung saan ang epicenter nito ay ang Lagangilang, Abra—sinabayan naman ito ng netizens ng pagpo-post ng mga biro nila tungkol sa kakasal lamang na weightlifters.
Ikinasal sina Hidilyn at Julius sa St. Ignatius Church sa PMA Baguio kahapon, July 26.
Read: Olympic gold medalist Hidilyn Diaz is now married to Julius Naranjo
Ayon sa netizens, tila nagpauga ang dalawa na hindi lang ramdam sa apat na sulok ng kanilang hotel room sa Baguio kundi maging sa buong Pilipinas.
Narito ang iba pang posts ng netizens sa Facebook:
Pati si Hidilyn, hindi nakatakas sa mga birong ito.
Isang kaibigan ang nagtanong kung masyado ba silang naging "mapusok" kaya dama ang pagyanig ng mga tao.
Ni-repost naman ito ni Hidilyn sa kanyang Instagram Story.
Mababasa rito, "@imjulius @hidilyndiaz Was that you two, getting raunchy?"
Lumabas din sina Hidilyn at Julius, kasama ang iba pang guests, sa hotel na kanilang tinutuluyan sa Baguio.
Intensity 6 ang naramdamang lakas ng lindol doon.
"Earthquake" lamang ang caption ng Olympic medalist sa kanyang Instagram Story post.
