Laging nag-uusap nowadays sina Randy Santiago at Willie Revillame, na magkaibigan simula noong 1983 na maging roommates sila sa Singapore.
Posible bang samahan niya si Willie sa Advanced Media Broadcasting System (AMBS) umpisa Setyembre?
Read: Randy Santiago happy to reconnect with Pinoy fans in U.S. concert tour
“Alam niyo naman yung mga pictures namin lately, so nakikita naman sa Instagram, magkasama kami nina Senator Manny Villar,” pag-amin ni Randy sa kiddiecon ng Sing Galing Kids nitong Hulyo 9, 2022, Sabado, sa Mesa restaurant ng Vista Mall-Taguig.
Si Manny Villar at ang pamilya nito ang may-ari ng AMBS.
May mga pinaplano sila?
“Marami siyang plano kasi, e, so I’m there to help. Anytime soon, gusto na niyang umpisahan, e,” pagsisiwalat ni Randy.
“Sabi ko kay Kuya Wil, tapusin muna natin itong kung ano man yung obligasyon natin sa Sing Galing. So, yun.”
May contractual obligation siya sa TV5? If so, hanggang kailan?
“Wala naman yun, e. Show kasi, Sing Galing, e. Hindi naman natin yun basta-basta maiiwan, di ba?”
Willing ba siyang iwan ang Sing Galing? O puwedeng pareho, nasa Sing Galing siya ng TV5 at sa bagong programa ng AMBS?
“Actually, puwedeng pareho! E, kaya lang, pag nag-daily… papaano ako makakapag-taping?” pagmamatuwid ni Randy.
“Kasi, pag sinabi ni Kuya Wil, ‘Rands, taping tayo ng daily.’ Halimbawa pag gumanun, papaano ko maite-tape itong Sing Galing kung mawawala ako ng isang linggo?
“So, end of the day, siyempre… hindi pa naman, wala pa naman! So, kumbaga, conceptualizing everything.
“Of course, iba naman yung show niya, iba yung kung may gagawin pang ibang shows.”
Gusto ni Randy na magkatrabaho ulit sila ni Willie.
“Maraming nag-aabang nun, e! ‘We’re baaacckk!!!’ E, kasi dati, siyempre hindi kayo puwedeng magsama-sama dahil ganito, dahil ganun.
“E ito, puwede. Paanong ano, di ba? E, we’ve grown. Alam naman natin na mas careful tayo sa mga binibitawan nating salita.
“Lalung-lalo na si Willie, di ba? Yung reputation niya na, of course, namimigay ng kung anu-ano.
“Nagbibigay ng saya, nagbibigay sa mga kababayan natin ng tulong. Yun.”
Ano na bang malaking bagay ang naibigay sa kanya ni Willie? Napa-smile si Randy,
“Friendship lang. Yung maging tunay na magkaibigan kami.
“When I say tunay na magkaibigan, mangilan-ngilan lang yun sa kamay natin, e.
“Mula noong 1983, yung bonding namin until Lunch Date, of course kasama ko siya sa Lunch Date.
“So, yun, all these years, kami yung, ‘Ano ‘to, ganito, ganito.’ So, mas authentic yung friendship namin.
“May mga tampuhan din kami. There was a time, nagkatampuhan dahil kaming dalawa ni John [Estrada], nag-Happy Yipee Yehey!
“May mga ganung eksena. After that, after a year or two, OK na ulit. OK kaming magkakasama.
“Pero of course, eto, bago naman. Sing Galing Kids, very important to us dahil… of course, ang maganda kasi, napapanood na kami sa TFC nga pala.
“So, napapanood na talaga tayo kahit saan,” wika pa ni Randy.
Sa Hulyo 16, Sabado ng 6:00 p.m., mag-uumpisa sa TV5 ang Sing Galing Kids, kung saan kasama ni Randy bilang Sing Masters sina K Brosas at Donita Nose.
Ang panel of Sing Galing Kids Jukebosses ay binubuo nina Jona, Gloc-9, Morissette, at Ethel Booba.
Arkidia Ates naman sina Queenay at Mari Mar Tua. Kasali rin sa show ang mascot na si Genie, pati na sina Zendee, Yoyo, at Tyronia.
RANDY ON FRIENDS AND POLITICS
Noong campaign period ay nakasingit ng mga raket si Randy Santiago sa Uniteam nina BBM at Inday Sara.
May mga kapamilya at kaibigan siya na iba ang kinilingan. Naapektuhan ba ang pakikitungo ng mga ito sa kanya?
“Ang nakakatuwa dun, yung respeto, nandun, e,” malumanay na saad ni Randy.
“In fact, kahit sa pamilya naman namin, di ba? Of course, alam naman natin na nakakiling sila dun sa kabila dahil sa trabaho, sa istasyon.
“May mga ganun pero we never talked about it, even my closest of closest of my friends.
“Katulad niyan, halimbawa, meron kaming magkakaklase kami, di ba?
“In-example ko nga minsan, Joseph Pangilinan, kapatid si Kiko, who is very, very close to our family.
“Pero we never talked about yung politics. Basta, kung ano, di ba? Ganun. Yung respect for each other.”
Willing ba siyang magtrabaho kay Presidente Ferdinand Marcos Sr. sakaling alukin siya ng posisyon?
“Hindi naman siguro ako aalukin pero, kumbaga, nakikita natin na magandang…” sagot ni Randy.
“Siyempre, we’re praying na maging maganda talaga yung pag-receive din ng iba.
“Yung kami, sinasabi ko yung mga sumusuporta sa kanya, siyempre, nandun kami, sumusuporta.
“Ang gusto lang namin, siyempre, yung kabila whoever, di ba, suportahan din natin.
“Kasi, para sa atin din naman ito, di ba? Yun lang naman, yung tunay na unity na tinatawag. Hindi yung Uniteam, kundi magkaisa talaga tayo.”
Sino sa kabila ang tinutukoy niya?
“Kung sino yung kalaban man. Kung sino man yung bumabatikos. Kung sino man yung mga bumabatikos,” pagbuntong-hininga ni Randy.
“Siyempre, kahit papaano, maririnig mo pa rin na ganun.”
Paano niya hina-handle yung bashers at haters, yung mga nang-uuroy at nagpapasaring sa kanya?
“Wala! Never naman kasi akong pumapatol, e,” natatawang sambit ni Randy.
“So, kunyari, may mga sinasabi, di ba, ‘Ah, ia-unfriend na kita!’ Sabi ko, ‘E, kung ia-unfriend mo ako, ibig sabihin, you were never a follower talaga.’ Hindi ko talaga siya friend.”
SANTIAGO BROTHERS
Abala maging ang mga kapatid ni Randy na sina Rowell at Raymart Santiago. May oras pa ba silang magkita-kita?
“For very special occasions, especially kung wala silang lock-in. Kasi, most of the time, nandun probinsiya sila, e,” tugon ni Mr. Shades.
“May Viber group naman kami, e. So… lalo na ngayon, halimbawa, two days from now, birthday ng kapatid ko. Tapos, July 20, si Raymart naman, birthday.
“Nagkikita-kita kami pero hindi ko alam kung… especially kay Raymart, hindi namin alam kung, ‘Saan ka ba? Pakain ka naman!’”
Naipakilala na ba ni Raymart si Jodi Sta. Maria sa kanila?
Mabilis na sagot ni Randy, “Opo! Ayos! Even before them, di ba, nakilala na namin si Jodi. Nakakasama ko pa si Jodi sa Amerika.
“Kasama ko pa yung husband niya dati.”
Si Jodi ay ikinasal noon kay Pampi Lacson, anak ni dating Senator Ping Lacson.
Read: Raymart Santiago, kinumpirma ang pagkakamabutihan nila ni Jodi Sta. Maria