Handa raw si Bea Alonzo kung sakaling magkakasalubong sila ng isa sa kanyang mga ex-boyfriends.
Ito ang naging sagot niya kay Nelson Canlas nang makapanayam siya ng GMA-7 reporter sa kanyang podcast.
Ayon kay Bea, wala naman daw siyang ginawang masama para ma-bother sa presensiya ng tinutukoy na ex-boyfriend.
Sabi ni Bea, “I will just hold my head up high kasi ako yung walang ginawang masama.
“And just, you know, walk straight, I guess, kasi hindi ikaw yung maiilang kasi ikaw yung walang bagahe sa konsensya mo, e.”
Pero hindi na raw siya maghe-hello dito dahil hindi naman daw sila magkaibigan.
Hindi pinangalanan nina Bea at Nelson kung sino ang ex-boyfriend na sinasabi sa interview.
Subalit hindi lingid sa kaalaman ng publiko na hindi naging maganda ang hiwalayan nina Bea at ng kanyang ex na si Gerald Anderson.
Naging malaking balita ang hiwalayan nina Bea at Gerald noong 2019 dahil sa "ghosting" issue.
Read: Bea Alonzo says no formal breakup with Gerald Anderson
Sinabi rin ni Bea sa guesting niya sa vlog ni Barbie Forteza na isa lang daw ang ex-boyfriend niyang ayaw niyang makatrabaho.
Isa sa naging ex-boyfriend ni Bea, bukod kay Gerald, ay si Zanjoe Marudo. Subalit sinabi ni Bea na magkaibigan sila at maayos ang kanilang hiwalayan.