Nanalong Konsehal ng Angeles City ang dating actress at dating Viva Hot Babes member na si Jaycee Parker-Aguas sa ikalawang pagkakataon.
Ikalawang termino na niya ngayon bilang Konsehal ng Angeles City. Ito ay sa kabila na hindi naman siya ipinanganak at lumaki sa Angeles.
Taong 2015 daw nang lumipat si Jaycee at magsimulang manirahan sa Angeles.
Noong 2018 nang ikasal siya kay Jericho Aguas, ang dating asawa ng namayapang actress na si Isabel Granada.
Read: Isabel Granada dies at 41
Sa social media post ni Jaycee sa pamamagitan ng kanyang Facebook at Instagram account, ibinahagi nito ang kanyang naging oathtaking noong June 30.
Ayon kay Jaycee (published as is), “Yesterday June 30 I officially started my 2nd term as city councilor of Angeles city pampanga.
2019 when we ran for the 1st time as councilor the people of Angeles city has spoken and morethan 55k Angeleños voted for me puting me in the number 4 spot in the city council."
Masaya at may pagmamalaking ibinalita nito na kung dati ay nakuha niya ang Number 4 spot, ngayong 2022 election, pumasok na siya sa number 2, bukod sa mas tumaas pa ang nakuha niyang boto kumpara noong 2019.
"Ngayon 2022 a total of 88,172 Angeleños voted for me and landing me at the number 2 spot in the city council! Wow! Angeles mahal ko kayo! Mahal na mahal ko kayo! Pangako gagawin ko ung best ko para mapaglingkuran ko kayo! Hindi ko sasayangin lahat ng tiwala na binigay nyo sakin.. Our Lord has put me in this position for a reason, this is my purpose!”
Pinasalamatan ni Jaycee ang kanyang mister na siyang taga-Angeles City talaga. Gayundin ang kanyang mga kapartido.
"To my husband Jericho Genaskey Aguas maraming maraming salamat mahal ko sa lahat lahat ng ginawa mo for me, for always guiding me, teaching me and for always being my constant savior! I love you to intinity! to mayor Carmelo Jr Lazatin ,cong Jon Laz, VM Vicky Vega, boss IC Calaguas and the whole team Lazatin my sincere gratitude!
“Its an honor to serve under your admistration mayor Pogi! To my colleagues in city council maraming salamat! See you monday! Lets get down to business! I will do my part in making our city the best city in the philippines! Mabuhay tayo Angeleños! Luid ya Angeles!"
Hindi rin nakalimutan ni Jaycee na pasalamatan ang kanyang glam team. Ayon dito, marami raw ang humanga sa kanyang gown at looks.
“I also want to thank my Glam team yesterday! Marlon Tuazon for my modern filipiñiana gown sabi nga ni cong Jon naka dress to kill daw ako yesterday! I love it and everyone loved my dress yesterday!! Winner! You are of one of Angeles’s pride @marlontuazonc! One of the best!
“Bryan Cuizon for my make up! Kala ko ako si barbie!! Galing mo! Ang linis ng make up ko ang ganda!! I will always recommend you! Promise! And Dalewin for my hair!"
View this post on Instagram
Sa pamamagitan ng chat messaging, ibinahagi ni Jaycee na magpo-focus daw siya sa mga proyekto at programang makikinabang ang mga kababaihan at mga miyembro ng LGBTQ community.
“I will focus on uplifting women, projects, and programs on livelihood trainings and giving them more opportunities to find jobs here and abroad.
“As the chairman on LGBTQ, I will empower the ordinance on anti-discrimination of LGBTQ and requesting the City Mayor to allocate more funds to make projects for their benefit.”
Ang FPJ's Ang Probinsyano ang huling TV appearance ni Jaycee. Aminado siyang nami-miss na niya ang um-acting uli.
“I miss acting kaya I’m trying to get back to acting now. Looking forward to more acting roles,” saad niya.