May pahayag na ang Lorma Colleges sa San Fernando, La Union ukol sa insidenteng naganap sa graduation ceremonies ng nasabing kolehiyo noong June 23, 2022.
Naging viral ito TikTok dahil isa sa mga graduating students sa kursong nursing, si John Marcelino Rosaldo, ay hinarang at hindi pinaakyat sa stage.
Ayon sa kapatid ni John na si Celene, ang pinagmulan ng insidente: hindi na-confirm ang payment para sa graduation fee.
Napaiyak aniya ang kanyang ina sa nangyari, at labis na naapektuhan dahil kitang-kita nito nang i-pull out si John sa pila ng mga estudyanteng aakyat sa stage para tanggapin ang diploma.
Maraming netizens ang nakisimpatiya sa pamilya ni John.
Noong June 25, sa pamamagitan ng isang post sa official Facebook Page nito ay naglabas ng pahayag ang Lorma Colleges.
Ayon sa caption sa FB post: “To our dear LORMA Colleges community:
“Our formal statement will be released as soon as possible.
“We thank you for your continued trust.”
Ang pahayag ay nagmula kay Dr. Carol Lynn R. Macagba, ang presidente ng Lorma Colleges.
Ito naman ang nilalaman ng pahayag (published as is):
"We are deeply concerned and saddened by what transpired during the recent graduation ceremony of Lorma Colleges involving one of our students.
"We sympathize with the family and are currently trying to get in touch with him and/or the family to discuss and investigate what exactly happened and to ensure that this type of incident does not happen again.
"Lorma Colleges continues to be committed to the education of the present generation ang future generation students to come."
Nilimitahan sa ang pagko-comment naturang post.
Noong June 24 ay nagkaroon naman ng dayalogo sa pagitan ng pamilya ni John at ni La Union Provincial Board Member Joy Ortega.
Ayon kay Ortega, “Ang inyong lingkod ay tutulong sa nursing board examination review ni John, at magsusulong tayo ng ordinansa sa Sangguniang Panlalawigan para hindi na maulit ang insidenteng ito.”