Nagpakasal na sa wakas ang mag-partner na sina Aubrey Miles at Troy Montero matapos ang halos 18 taong pagsasama.
Ikinasal ang dalawa sa isang civil rites sa Mandaluyong City Hall na pinangunahan ni Mayor Carmelita “Menchie” Abalos kahapon, June 9, 2022.
Ngayong araw, June 10, opisyal na inanunsiyo ng Nice Print ang pag-iisang dibdib nina Aubrey at Troy.
Ayon sa post ng Nice Print: “It’s official! After 18 years of being together, @troymontero and @milesaubrey finally tied the knot in a civil wedding ceremony yesterday [ring, heart emojis]
“Congratulations Troy and Aubrey!”
View this post on Instagram
Nag-post din si Aubrey tungkol sa kasal nila ni Troy.
Deklara niya: “It’s Official [praying hands emoji] After 18years together, it only takes 30mins to seal it. We did it @troymontero
“Shout out to our ninongs and ninangs @coraldeguzman @authentecite Also to the mayor of mandaluyong, Mayor carmelita abalos, maraming salamat po.”
View this post on Instagram
Sa programang Magandang Buhay ng ABS-CBN noong May 2021, inamin ni Aubrey na handa na silang magpakasal ng longtime partner na si Troy.
Taong 2019 nang kaswal daw na mapag-usapan nila ang pag-iisang dibdib.
Kuwento ni Aubrey, "Easy lang. 'You know what? It's time na,' ako talaga nagsabi. Sabi niya, 'Oo nga, 'no?'
"Parang casual lang. 'Sige, let's do it in this place na malayo.'"
Plinano na raw nila agad ang wedding venue para sa intimate wedding na nakatakda sanang ganapin sa Batanes noong April 2020.
Sabi ni Aubrey, "Tapos nagpa-book na kami. Yun yung hotel na binook namin, parang 13 or 15 rooms lang. Nag-iisa lang siya na hotel...
"'Tapos ang plano ko talaga nine people, 'tapos April yun.
"'Tapos March, pandemic na. Sabi namin, 'Baka two months lang 'yan.'"
Umasa pa raw sina Aubrey at Troy na matatapos din agad ang pandemya kaya pina-postpone nila ang kanilang kasal ng tatlong buwan.
Patuloy ni Aubrey, "'Let's move it ng July.' 'Tapos nag-move kami ng July, 'tapos hindi na natuloy.
"Na-move nang na-move nang na-move. Kinuha na namin lahat sa airlines, nabayaran na. Ni-refund naman kami pati yung hotel."
At natuloy na nga kahapon ang matagal na nilang napurnadang planong pag-iisang dibdib.
May dalawa nang anak sina Aubrey at Troy—sina Hunter, at Rocket.
Ang panganay ni Aubrey na si Maurice ay anak ng aktres sa dating karelasyon na si JP Obligacion.