Bilib si RB Chanco sa ipinapakitang tatag ni Kris Aquino sa pagharap sa tatlong uri ng sakit na pinagdadaanan nito ngayon.
Si RB ay matagal nang malapit na kaibigan at personal make-up artist ni Kris Aquino.
Ang mga sakit ni Kris ay chronic spontaneous urticaria, autoimmmune thyroidism, at ang ani Kris ay "life-threatening" condition niyang late stage 3 ng Churg Strauss syndrome o vasculitis.
READ: Kris Aquino: "We found out life-threatening na yung illness ko."
Ayon kay RB, ang dalawang anak ni Kris na sina Joshua at Bimby ang patuloy na nagbibigay ng lakas ng loob dito.
Nakapanayam ng PEP.ph (Philippine Entertainment Portal) si RB sa media conference ng Love In 40 Days, na ginanap sa Santolan Town Plaza noong May 20, 2022.
"Of course, she is fighting, she is really fighting her best.
"Sabi ko nga, if that person may sakit ng katulad ng kay Kris poor, baka wala na siya. She's still very lucky," bungad ni RB.
Sa gitna ng health issues ni Kris, hindi naman lubos maisip ni Kris kung paano nagawa ng ibang netizens na magpakalat ng fake news na nasa ICU at nag-aagaw buhay na ang actress-host.
"Oo nga, e, ilang beses na siyang pinatay. Feeling ko hindi niyo mapapatay si Kris, lalaban at lalaban si Kris as long as buhay si Bimby at si Kuya Josh.
"Yun lang talaga ang masasabi ko—as long as si Kuya Josh and si Bimb ay hindi pa nasa certain age...
"She will still wait for Kuya Josh, Bimb to graduate, Bimb to probably have a wife...
"Hindi mawawala si Kris. Babalik at babalik si Kris Aquino. Hintayin natin yun," diin ni RB.
ON KRIS GOING THROUGH MEDICAL TREATMENT IN THE U.S.
Kinumpirma rin ni RB ang nauna nang sinabi ni Kris na hindi ito basta mabigyan ng medical treatment dito sa Pilipinas dahil sa allergy niya sa ilang gamot para sa kanyang mga karamdaman.
Paliwanag ni RB: "Kris now is really sick, I don't know if she wants me to announce this baka you have to ask her. You see naman her IG and and her videos na parang she's really going through a sickness.
"Well, her doctor is saying that her condition is one in a million, it's really rare. I think malas niya kasi yun pa talagang walang available na medicine dito sa Pilipinas.
"She truly needs to be in the United States to have this treated kasi yung medicine niya is not FDA approved here. It's only available in the United States.
"And they have the facilities, a special facility where her vasculitis can be treated."
Aminadong nag-aalala si RB para kay Kris, pero mas nais niyang maging positibo sa hinaharap na health issues ng kaibigan.
Saad niya, "Siyempre nagulat kami. Mga nasabi naman niya ito sa social media niya.
"Siyempre yung kanyang mga sickness, yung mga doctors niya kasi ang gagaling, talagang specialty nila yung sickness ni Kris. Siyempre nakakalungkot."
Patuloy ni RB, "I'm very, very happy that Kuya Josh and Bimb are really very mature and Kris raised them really well.
"Of course, nag-aalala sila, pero nakikita nila that their mom is fighting. Parang, 'Gagawin ang lahat ng mommy ko para nothing will happen to her. She will be strong.'"
ON FRIENDSHIP WITH KRIS
Nakakasama ni Kris si RB hindi lang sa trabaho kundi pati sa mga bakasyon ng actress-host.
Kaya ganoon na lang din kalapit si RB kina Josh at Bimby.
Ani RB, "She treats me as her family and I'm very happy that she does. And of course, I'm close to Bimby and Kuya Josh."
Sa mga pagkakataong binibisita niya noon si Kris sa bahay, sinisiguro raw ni RB na negative siya sa COVID-19 para iwasang magkasakit ang actress-host.
"If we will visit, we have to do PCR or antigen up until now even the pandemic has already loosen up.
"With her autoimmune [illnesses] she really has to, talagang immunocompromised. siya. She cannot get sick. We really have to be very, very careful.
"Once na tamaan siya talaga, it's really scary, and we don't want to be blamed na 'Kayo nagdala ng virus sa bahay.'"
RB ON MANAGING RONNIE'S CAREER
Bukod sa pagiging isang sikat na make-up artist, si RB din ang manager ng Kapamilya actor na si Ronnie Alonte.
Kaya naroon si RB sa launch ng Love in 40 Days na pinagbibidahan nina Ronnie at reel-and-real-life sweetheart nitong si Loisa Andalio. Kilala ang couple sa uniname na LoiNie.
READ: Loisa Andalio and Ronnie Alonte: A love team, in and out of showbiz
Masaya si RB na mapapanood na ang tambalang LoiNie sa kauna-unahang seryeng pagbibidahan nila.
Pahayag niya, "I'm very happy na finally ABS-CBN casted them with a lead serye. Of course we are rooting for this when we started.
"Before the pandemic, there were plans na parang they were being groomed as the next big love team.
"Parang we started as a love team, na nasira ang mga plans because it's actually Ronnie and Julia [Barretto], then Loisa and Joshua [Garcia], and then everything changed.
"Parang after that, parang nag-unfold into a beautiful relationship ang reel and real love story nila Ronnie and Loisa.
"Parang ito talaga, we waited for this ever since. And we're happy now it's finally happening."
Nabanggit ni RB na noong kasagsagan ng pandemya at nag-shutdown ang broadcast operations ng ABS-CBN ay may offers na natanggap ang dalawa mula sa ibang istasyon.
"There were offers, yun lang. I would just say there were offers. Hindi sa akin lumapit, sa kanila lumapit," ani RB.
Pero hindi lumipat sina Ronnie at Loisa na ngayon ay Kapamilya stars pa rin.