Hinamon ni Chie Filomeno ang netizens na nagpapakalat ng tsismis na meron umano siyang adult video scandal.
Sunod-sunod ang posts ni Chie sa kanyang social media accounts at tinawag na “fake news” ang intrigang ipinupukol sa kanya ngayon.
Nagsimula ito nang ipost ng isang female netizen ang magkadikit na larawan ni Chie at dancer na si Zeus Collins.
“Only legends understand” ang caption dito ng netizen. Walang direktang tinukoy ang netizen, pero malisyoso ang dating nito kay Chie.
Base sa reaksiyon ni Chie, hindi ito ang unang beses na ibinato sa kanya ang isyu.
Nag-react si Chie at ipinost ito sa kanyang social media accounts, gaya ng Twitter at Facebook.
Paghahamon ni Chie sa netizen (published as is): “Ano source mo? FB sure ball.
“Pag sure uy kung totoo mga pinag ppost niyo sa FB, kung mag uungkat kayo siguraduhin niyo totoo, wag paulit ulit at wag kayo mangdamay ng ibang tao. ISSUE YARN?”
Sa sumunod niyang post ay pinangalanan ni Chie ang female netizen.
Hinamon niya ito na ilabas ang sinasabing sex scandal umano ng aktres.
Post ni Chie (published as is): "Ano Megan San Miguel dali share mo yung video, siguraduhin mo lang hindi mo sasayangin ang oras nila ah? Lalo na oras ko.
“Dali send mo sa akin. Maninira ka pa ah. Bardagulan gusto niyo eh.
“Paulit ulit na issue ah nakakasawa na”
Marami ang mga nagtanggol kay Chie, pero ang iba naman ay nag-post ng diumano'y link ng scandal.
Sabi ni Chie sa netizen na may link daw siya sa video: “siguraduhin mong hindi mo sasayangin yung mga oras ng nagpasend dito ah.”
Sa kanyang Instagram account nitong Sabado, May 14, halatang patutsada ang post ni Chie.
Nag-post siya ng kanyang bikini photo at video.
Simpleng caption niya, “hates fake news”
Napaulat sa iba ring entertainment vlogs na nag-react din si Zeus via an Instagram post, kung saan pinabulaanan niya ang tsismis na kumakalat.
Pero tila burado na ang post na ito ni Zeus dahil di na ito makita.