Inamin ni Diego Loyzaga na nabiktima siya ng investment "scam" na tinayaan niya ng malaking perang napanalunan niya sa isang game show.
Tingin niya, sakim ang hindi pinangalanang taong nagtakbo ng kanyang pera.
Lahad ni Diego, "Okay, I acquired some money which I won.
"Ang ginawa ko, instead of keeping it, I invested it somewhere else, thinking na lalaki yung pera.
"What happened was I was scammed. They ran away with my money. So sadly, that's really greed."
Naikuwento ito ni Diego sa mediacon ng latest Vivamax movie niya kunsaan ang kanyang karakter ay naging ganid nang manalo ito ng limpak-limpak na pera sa lotto.
Naranasan na ba niyang manalo ng malaking premyo sa lotto?
"I did, quite a large amount before," sagot ni Diego.
Bagamat "lotto" ang binanggit ni Diego, hindi kaila na sumali siya sa TV5 game show na The Wall Philippines noong April 2021.
Kasama niya ang leading lady na si Cristine Reyes, at nanalo sila noon ng PHP2.6M. May napili silang beneficiaries para sa larong iyon.
Hindi malinaw kung ang premyong nakuha ni Diego sa show ang sinasabi niyang nai-scam.
Read: Diego Loyzaga at Cristine Reyes, nanalo ng P2.6M sa The Wall Philippines
Sabi pa ni Diego sa naranasang scam: "Honestly, to be honest, of course, I wanted to keep some amount for me. But the most of it talaga, I was supposed to give it to somebody else.
"What happened was, I invested the money thinking that it would be smarter, after a long period of time, lalaki siya.
"More for me and more also for that person I want to be given. E, ang nangyari, na-scam ako.
"I guess, dun siguro talaga umiral si greed and in that scenario, I lost. I lost big time."
Natutunan daw ni Diego na maging kuntento sa mga bagay-bagay dahil sa karanasang iyon.
"If I did win a lotto again, I know I'll keep it and give it to the person. Keep my percent and that's it.
"Sometimes, you know, the contentment. Yun na nga e, you were given something, biyaya na iyon ng Diyos. Tapos, hindi pa rin siya sapat sa 'yo.
"You want more and that's greed and you lose..."
DIEGO'S TAKE ON "EASY MONEY"
Bago pa niya naikuwento ang scam na naranasan, hiningan ng opinyon si Diego kung naniniwala siya na ang perang galing sa sugal, may kakambal daw na sumpa.
"Easy come, easy go kasi 'yan," sagot ni Diego.
"They won and then, 'O sige, isusugal ko ulit everything,' and then they lose it.
"Parang when money comes easily, it's not that important to you. Ang dali lang pumasok. You spend it also in the same sense na parang wala lang siya.
"And I guess, greediness from me comes when it's unappreciated, when it's not that important, you always want more.
"Kung may raket ka at mababa ang bigay sa 'yo, sana mas malaki. Then, what will happen is, hindi matutuloy yung raket.
"Kasi yung hinihingi mong budget was too big and you end up losing the whole thing, entirely. I guess that's greed."