Ginawang donasyon ni Lola Magdalena Gamayo, 97, isang Ilocana master weaver ng Lumbaan, Pinili, Ilocos Norte, ang bahagi ng loteng pag-aari ng kanyang pamilya sa provincial government.
Layunin lang ni Lola Magdalena sa abot pa ng kanyang makakaya na matiyak ang pagpapatuloy ng Inabel, isang tradisyonal na paraan ng habing Ilocano.
Isang “national living treasure” si Lola Magdalena na expert sa paghahabi. Recipient siya ng 2012 Gawad ng Manlilikha ng Bayan (GAMABA) Award.
Sa pamamagitan ng isang provincial resolution na sinertipikahang urgent ni Ilocos Norte Governor Matthew Joseph Manotoc, inaprubahan ng Sangguniang Panlalawigan noong March 28, 2022, ang proposed conditional deed of donation ng 290-square-meter lot na pag-aari ni Lola Magdalena para sa Ilocos Norte government.
Napagkasunduan ng dalawang panig na ang lote ay gagamitin bilang permanent weaving center, na ang layunin ay mapreserba at mapalakas pa ang production ng inabel.
Itatayo rito ang isang weaving center na popondohan ng PHP10 million. Magsisilbi itong learning site para sa mga “abel” (weavers) at exhibit center para sa mga habing Ilocano.
Layunin ng proyekto na matulungan ang mga inabel weavers. Makikinabang din dito ang micro, small, and medium entrepreneurs sa lalawigan.
Ipinagmamalaki ng bayan ng pinili si Lola Magdalena na patuloy na ipinapasa ang kanyang weaving skills sa mga batang maghahabi.
Nagsimula siyang maghabi sa edad na 16.
Ang kanyang mga habi ay matibay at kayang tumagal nang mahigit 30 taon.
Siya rin ang nagsimula ng mga habing may contemporary patterns na hindi lang limitado sa conventional Ilocano textile weaves.
Kabilang na rin si Lola Magdalena sa tourist attractions sa Ilocos Norte dahil karamihan sa mga bisita sa lugar ay isinasama sa kanilang itinerary ang panonood kung paano siya maghabi.
Samantala, isa ang journalist na si Niña Corpuz (photo below), na may dugong Ilocano, sa mga proud supporters ng mga habi ni Lola Magdalena.
