Ang pelikulang Adarna Gang ng Viva Films ang comeback movie ni Coleen Garcia pagkatapos ng halos dalawang taong pagla-lie low sa show business.
Dala ito ng kanyang pagbubuntis at pati na rin sa COVID-19 pandemic.
Solong nakapanayam ng PEP.ph (Philippine Entertainment Portal) si Coleen sa after party ng Adarna Gang sa isang restaurant sa Gateway Mall, Quezon City, noong March 8, 2022.
Huli siyang napanood sa pelikulang Mia na ipinalabas noong 2020, pero natapos ang shooting nito noon pang May 2019.
Ipinanganak ni Coleen ang anak nila ni Billy Crawford na si Amari noong September 2020.
Read: Coleen Garcia recounts the moment her water broke—she was having a shoot!
Ang Adarna Gang na ba ang hudyat ng pagbabalik-showbiz niya?
"Hopefully, that's all up to Viva," tugon ni Coleen.
"Pero I'm really grateful to the opportunities they have given me kasi I feel, like, may importance ang opinion ko.
"Like, they asked me, 'Do you wanna do this project? What kind of project do you wanna do next?'
"Parang ganun, may kino-consider si Viva, hindi sila yung basta-basta lang, di ba? They also consider my opinions and what I want to do."
Aminado si Coleen na sobra niyang na-miss ang pag-arte pero nakaramdam din siya ng insecurities nung unang sabak niya muli sa kamera.
"Ay, sobra kong na-miss. Nangapa rin ako, parang na-insecure ako, kasi hindi ko alam kung tama ba ang ibinibigay ko, kung sakto lang, baka sobra, baka kulang.
"It took me time to warm up to the point na matatapos na ang shooting namin, parang ayoko pang umuwi. Sabi ko, baka puwedeng tuluy-tuloy na."
SUPPORTIVE HUSBAND
Ipinagpapasalamat ni Coleen na napaka-supportive ng kanyang asawang si Billy sa desisyon niyang maging aktibo uli sa showbiz.
"Sobra, siya ang nagtutulak sa akin na bumalik kasi alam niya na ito ang gusto ko, alam niya ang hilig ko, alam niya na parang yun ang bumubuhay sa akin of doing what I love.
"It's different, siyempre, sometimes you don't see it kung tayo. But when we look at the people we love, nakikita natin na, 'Ah, dito siya masaya, dito siya naggo-grow.'
"And that's what Billy sees with me in film."
Tinanong din namin si Coleen kung may tsansa bang magbalik-telebisyon siya at gumawa uli ng mga serye.
Umoo naman ang Viva artist pero may kundisyon siyang hihingin.
"Like, for example si Viva, may mga short series sila na yung quality magaganda talaga.
"I don't mind being part ng mga series na ganun. Pero yung TV na unpredictable kung kailan matatapos yung teleserye, I guess, it depends.
"I guess it depends on the role, kung gaano kalaki yung role. Kasi kung malaki yung role, talagang you need to be there all the time.
"But if I can bring Amari, I think anything is possible naman basta kasama ko si Amari."
HOW MOTHERHOOD AFFECTED HER ACTING
Patuloy na pagkukuwento ni Coleen, 180-degree ang nabago sa buhay niya mula nang siya ay maging ina at nakatulong ito sa kanyang pag-arte.
"Lahat, lahat talaga... I feel it's not simply pagiging ina but everything that happened in the past two years, the pandemic and everything, sabay-sabay talagang nangyari.
"Parang, I feel like a different person talaga. And you know it's good kasi I grew so much, I matured so much.
"Like I've said, even acting, nadadala ko siya kasi ang lalim na ng mga pinaghuhugutan ko, e. Iba na yung lalim ng galit, ng pain, ng remorse, ng anxiety.
"Ngayon, iba talaga kasi my emotions are so intense. Coming from a different place already, not just coming from myself, pero yung parang as a mother, yung fear ko sa anak ko.
"Lahat ng fears na yun, lahat ng pinagdadaanan namin as a family, so I really learned so much.
"But at the same time, it's been lonely. I have to admit, because of the pandemic, like I wish puwede sana kaming lumabas all the time.
"But it's great kasi unti-unti na nating nagagawa, di ba? I feel like the pandemic has affected all of us in a way. It's just being lonely kasi hindi ako nakakalabas.
"Si Billy may work siya, nakakapunta siya sa work, nakakausap niya ang mga ka-work niya. Ako talaga, as in wala akong kausap.
"It's been very lonely. But it's great nga I got to experience this, something came alive in me again, and I got to speak to people who do the same thing as I do.
"Different people from what we see every day, it was definitely a much-needed experience for me."