Baon ni China Jocson ang tunay na pagmamahal na ipinaramdam sa kanya ng namayapang mister na si Tarlac congressman Charlie Cojuangco.
Pumanaw si Charlie noong February 22, 2022.
Read: Tarlac congressman Charlie Cojuangco dies at 58
Idinaan ni China sa kanyang Facebook post ang pangungulilala sa minamahal na si Charlie.
Sabi niya, "If you will ask me if I'll do it all over again knowing it will be this short, I will.
"Because I would rather have had one of his embrace, his kiss, one hold of his hand, than my lifetime without him.
"I love you my Charlie, rest well."
Kalakip nito ay isang sepia-colored photo kunsaan matamis ang ngitian ng couple habang nakakandong si China kay Charlie.
Ipinost ito ni China noong February 27, 2022.
EXCERPT FROM EULOGY OF CHARLIE'S BROTHER
Ang kapatid ni Charlie na si Mark Cojuangco ay nagsabing saksi siya kung gaano napasaya ni China si Charlie.
Si Mark ang tumayong best man ni Charlie sa kasal ng kongresista kay China.
"Lately, I've never seen him so happy as he was before the tragic events of October when he got his stroke.
"And I think we should all have China, his wife, the person he chose, to thank for that.
"Because she really made him happy," saad ni Mark sa video sa YouTube channel ni Chugs Cadiogan.
Late October 2021, o apat na buwan ang nakararaan nang atakehin si Charlie ng stroke sa Clark Speedway sa Pampanga. Siya ay nagkaroon ng brain aneurysm.
Lampas dalawang linggo bago iyon, o noong October 10, 2021, naganap ang church wedding nina Charlie at China sa San Sebastian Cathedral sa Tarlac.
Parehong hometown nina Charlie at China ang Tarlac.
Si China ay isang crisis management strategist at special envoy of the Philippines to the United States. Siya ay nagsilbi ring deputy to the presidential spokesperson noong July 2017-November 2018.
WHEN DID CHARLIE AND CHINA FIRST MEET?
Sa video coverage ni Cadiogan ng kasal ng couple, makikita ang bahagi ng madamdaming talumpati nina China at Charlie tungkol sa kung paano itinadhana ang kanilang pag-iibigan.
Nalaman nilang October 10, 2004 nang unang magkrus ang kanilang landas.
Noong panahong iyon ay broadcast journalist si China ng GMA-7, at naging bahagi ng coverage niya ang wake ng yumaong first wife ni Charlie at aktres na si Rio Diaz.
Pareho nang nakalimutan nina China at Charlie ang pagkikita nilang iyon, at naalala lang ito noong sila ay naging engaged couple.
"It's actually why we got married today. It's actually why we chose this day, October 10," tila naiiyak na saad ni China sa kanyang wedding-reception speech.
Nakahanap pa sina China at Charlie ng kopya ng video kunsaan makikitang ininterbyu ni China si Charlie sa wake ni Rio noong 2004.
Ipinakita rin nila sa wedding guests ang kopya nito.
ANSWERED PRAYER
Sabi naman ni Charlie, answered prayer niya ang kaalamang may kaugnayan ang first wife sa unang pagkikita nila ni China.
"That picture which we found after our bethrotal, I prayed about that. I asked God if she is the one, he'll make us push through.
"In case my wife has something to do with God choosing China for me, tell her, 'Good job!'" masiglang pahayag ni Charlie.
Ang kapatid ni Rio na si Gloria Diaz ay nagkaroon din ng pagkakataong mag-speech sa kasal ng couple.
Sabi noon ni Gloria, "My sister, my brother, myself, we're very happy for the both of you. And I'm sure, my sister Rio is very happy, too. Congratulations."
Bago ang church wedding nina Charlie at China ay ikinasal sila via civil ceremony noong April 7, 2021.
Naulila ni Charlie si China, at dalawang anak kay Rio na sina Jaime at Claudia Diaz Cojuangco.