Nag-viral kamakailan ang foreigner na si Patrick O'Cock dahil sa kanyang pag-recreate ng isang throwback photo.
Makikita sa photo ang kanyang anak na si Josh kasama ang mga katutubong Ati kids sa Boracay noong 1993, at ang kanilang reunion after 27 years.
Unang napadako sa Pilipinas ang Maltese na si Patrick noong 1985. Dahil sa sobrang pagkabighani niya sa bansa, itinayo niya ang Mission of Love Malta noong '90s.
Isa itong charity organization na hanggang ngayon ay nag-aabot ng tulong sa mga nangangailangang Ati people.
Isinulat din ni Patrick ang librong A Mission of Love.
Inilahad dito ng foreigner na nagsimula ang kanyang misyong tulungan ang Ati kids dahil sa kabaitang ipinakita sa kanya ng isang batang lansangan noong nasa Pilipinas siya.
(The photos that Patrick O'Cock took went viral on social media. Taken 27 years apart, they show his son with the Ati kids in Boracay.)
Pero bukod sa pagtulong sa mga katutubong Pilipino, naging saksi rin pala si Patrick sa makasaysayang EDSA Revolution halos apat na dekada na ang nakakaraan.
Nabanggit niya ito nang makapanayam siya ng PEP.ph (Philippine Entertainment Portal) via Zoom noong February 21, 2022.
Ang EDSA Revolution ay nangyari noong February 22-25, 1986.
Nagsama-sama at nagkaisa ang iba't ibang sector at mamamayang Pilipino sa kahabaan ng EDSA para patalsikin sa puwesto ang diktador na si dating Pangulong Ferdinand Marcos.
Hindi gumamit ng dahas ang mga nag-rally noon.
Ayon sa Amnesty International report, 70,000 katao ang ikinulong, 34,000 ang tinorture, at 3,240 ang pinatay sa Pilipinas sa ilalim ng batas militar mula 1972 hanggang 1981.
Ang Amnesty International ay isang non-profit global movement ng mahigit 7 milyong kataong nangangampanya para sa isang mundo kunsaan ang human rights ay tinatamasa ng lahat.
PATRICK WITNESSING THE EDSA REVOLUTION
Balik kay Patrick, naitala niya ang kanyang karanasan sa EDSA Revolution sa kanyang librong A Mission of Love.
(Patrick's book that tackles how he found mission to help Ati Kids in Boracay)
Noong 18 anyos lang si Patrick, namalagi siya sa London at nag-attend sa tutorial school. Sa gabi naman, dishwasher siya sa isang café.
Pinayuhan siya ng kanyang ama na magpunta sa Pilipinas at doon mamuhay.
Bibigyan siya roon ng trabaho ng kaibigan ng kanyang ama, isang Australian na tumira sa Pilipinas.
“At the time I had no idea where in the world the Philippines even was, but I thought... ‘Why not? Sounds like an adventure,’” bahagi ni Patrick sa kanyang libro.
Nag-impake si Patrick at lumipad papuntang Pilipinas.
(Patrick shares a photo of him when he was in Manila in the 80s.)
Paglapag pa lang niya sa airport, may kakaiba na raw siyang naramdaman.
“Somehow I felt a strange belonging yet had no idea where I was going or what to expect.
“I was wide open like a sail looking to catch the wind.”
Nagtrabaho siya bilang assistant ng kaibigan ng kanyang ama, na isang Australian photographer sa Ermita at Malate sa Maynila.
Di nagtagal, nakapag-adjust si Patrick sa kanyang bagong buhay sa Pilipinas.
Nasaksihan niya rin ang kahirapan dito, gaya ng mga taong nakatira sa lansangan.
Pero itinuring niyang tahanan ang Pilipinas.
Aniya sa kanyang libro, “Before long, I was strutting the streets like I was born there, feeling at home and loving the hustle and bustle of the city street life.”
Natalakay din niya ang karanasan niya noong nangyari ang People Power.
“I witnessed a revolution as people took to the streets, opposed by armoured military tanks and soldiers everywhere who, as the movement grew, broke ranks and joined the people to oust Marcos.
“In the heat of the action, I climbed up onto an open truck full of revolutionaries in their yellow T-shirts, not afraid to lose their lives for the movement they called ‘People Power.’”
Via direct message, tinanong namin si Patrick kung ano pa ang naaalala niya sa EDSA Revolution noong 1986.
“What I remember is seeing tanks in the streets and crowds of people everywhere wearing yellow,” mensahe ni Patrick noong Huwebes, February 24, 2022.
“Once I heard the news that General Ramos had turned and joined forces with the revolutionaries, it was like a massive people power party.”
Si dating Pangulong Fidel Ramos ay nagsilbing Vice Chief-of-Staff ng Armed Forces of the Philippines noong administrasyong Marcos.
Pero tumiwalag siya dito at sumapi sa grupo ni dating Pangulong Corazon Aquino para itayo ang bagong administrasyon.
Sariwa pa sa alaala ni Patrick kung paano siya umangkas sa likod ng truck nang anyayahan siya ng mga nagra-rally.
“I was in Tambo, Parañaque sitting with some squatters by a vulcanizer place when a truck was passing by crammed with revolutionaries cheering and celebrating.
“Some of them called me ‘Hey Jeprox’ and ‘Hey Joe’ and told me to come up on the truck.
“I climbed up and joined them.
“Many of them had yellow headbands on, mine was green since I always wore that green headband like it was part of my head, but that didn’t seem to be a problem.”
Sa huling mensahe ni Patrick, nakuha niya ang essence ng EDSA Revolution at kung bakit ito naging tanyag sa buong mundo.
“People were friendly with me and although you might imagine a revolution as being dangerous and chaotic, it was surprisingly peaceful.”
(Patrick with his wife Maria in a Zoom interview)
Sampung buwan tumira sa Pilipinas si Patrick bago siya umalis. Pero nagpabalik-balik siya rito.
Sa ngayon, si Patrick ay 54 anyos. Dati siyang graphic designer at ngayon ay property manager.
Patuloy niyang inaasikaso ang Mission of Love Malta para sa mga Ati kids, sa tulong ng asawang si Maria at anak na si Josh.
Tinatayang walong beses na siyang pabalik-balik sa Pilipinas.
Huling beses siyang nakabisita dito noong February hanggang March 2020, bago nanalanta ang pandemya.
Pero hindi raw iyon ang huling beses na bibisita siya.
Ani Patrick sa Zoom interview, bagamat maganda ang beaches at tourist spots sa Pilipinas, “it’s the people,” kaya napamahal sa kanya ang bansa.