Hindi inaasahang maligwak sa kompetisyon si Miss World Indonesia Carla Yules dalawang araw bago ang coronation night ng Miss World 2021.
Pati ilan pang kandidata ng Miss World 2021 ay nanganganib kung makakadalo sila sa pageant na gaganapin sa Coliseo de Puerto Rico sa San Juan, Puerto Rico, sa December 16 (December 17 Philippine time).
Ngayong Miyerkules, December 15, nakasaad sa Instagram post ni Pawee Ventura ng Missosology na natukoy si Miss Indonesia na positibo sa COVID-19.
Nabanggit din na ang roommate niyang si Miss India Manasa Varanasi ay kasalukuyang nasa isolation at hinihintay ang resulta ng test kung positibo o negatibo ito sa virus.
Wala pang official statement si Miss Indonesia.
Sa kanyang Instagram Stories kahapon, December 14, nagbahagi lang siya ng Bible verse at video kunsaan nakakita siya ng rainbow sa labas ng kanyang kuwarto.
MISS WORLD ORGANIZATION'S STATEMENT
Sinasabing isa ang kumpirmadong may COVID-19 at pitong kandidata ng Miss World 2021 ang kasalukuyang nasa isolation at hinihintay ang test results.
Base ito sa ulat ng Primera Hora, isang publication sa Puerto Rico, at nailathala ang English translation sa @pageanthology101 sa Instagram.
Inilabas din ng publication ang official statement ni Miss World Organization chairman at CEO Julia Morley.
Hindi tinukoy kung sinu-sino ang suspected cases ng COVID-19, pero idiniin ni Morley na hindi papayagang makadalo sa kumpetisyon kung positibo ang kandidata sa COVID-19.
"The Miss World Organization is following national guidelines. If they don't produce a negative molecular PCR test, they won't be on stage for the final show," saad ni Morley.
Binanggit din niyang ire-review ang pre-pageant performance ng sinumang hindi makakadalo sa coronation night para malaman kung karapat-dapat ba silang manalo sa pageant.
Aniya: "Knowing the seriousness of this global situation that we all face, we took steps to capture the unique talent of each constestant so that, in case they couldn't join us last night, they could still win the crown as Miss World 2021.
"The panel of judges will review your pre-recorded video content to make their final decision."
ON FOLLOWING SAFETY PROTOCOLS
Sa huli, siniguro ni Morley na sinusunod ng Miss World Organization ang safety protocols para makaiwas sa pagkalat ng COVID-19.
"We want to assure everyone that the Miss World Organization from day 1 has implemented a strict and aggressive protocol of taking samples from all candidates through molecular PCR tests.
"We are an experienced and responsible global organization that is very excited to celebrate our 70th anniversary in Puerto Rico and we remain dedicated to the health and safety of our participants and the people of Puerto Rico."
Ang pambato ng Pilipinas sa pageant ay si Miss World Philippines Tracy Maureen Perez.
Use these Zalora vouchers when you shop or order online. Marami pang ibang coupons dito.