Nagparamdam sa social media sina Miles Ocampo at Janus del Prado para sa kanilang upcoming Kapuso sitcom na siya ring TV comeback ni John Lloyd Cruz.
Sina Miles, Janus, at John Lloyd ay ABS-CBN homegrown talents na magsasama-sama para sa Kapuso sitcom na Happy ToGetHer.
Noong November, 9, 2021, pumirma ng program contract sa GMA-7 si John Lloyd.
Nitong December 7, sunud-sunod ang pagpu-post ni Miles sa kanyang Instagram Story tungkol sa kinabibilangang Kapuso sitcom.
Base sa kanyang posts, nagkaroon na sila ng pictorial para sa sitcom.
Nag-post siya ng selfie photo nila ni John Lloyd na may caption na “Kuyaaaaaa” na may kasamang heart emoji.
Magkasama rin sina Miles at John Lloyd sa pinakahuling show ng aktor sa ABS-CBN, ang Home Sweetie Home. Gumanap sila noon bilang magbayaw.
Ipinost din ni Miles ang larawan ng complete cast ng kanilang sitcom, kabilang sina Carmi Martin, Ashley Rivera, at Jenzel Angeles.
Nasa larawan din sina Janus del Prado, Eric Nicolas, at Bobot Mortiz na identified din sa ABS-CBN.
Nakasama rin noon nina John Lloyd at Miles si Eric sa Home Sweetie Home, na ang direktor ay si Bobot.
Samantala, nananatiling Star Magic talents sina Miles at Eric.
Ipinost naman ni Janus sa Instagram ang pictorial ng cast ng Happy ToGetHer.
Ni-like pa ito ng kanyang kaibigan at bagong Kapuso star na si Bea Alonzo.
Ipinost din ni Janus ang teaser ng programa kung saan kasama si Jayson Gainza, na kilala ring ABS-CBN talent at kasama rin sa Home Sweetie Home noon.
Ito marahil ang dahilan kung bakit maraming netizens ang nagkomento na naaalala nila ang Home Sweetie Home sa comeback TV project ni John Lloyd.
Sa kabilang banda, wala pang eksaktong petsa kung kailan magsisimulang umere ang Happy ToGetHer sa GMA-7.
Use these Klook promo codes when you shop or order online. Marami pang ibang coupons dito.