Mag-i-streaming ang One True Pair The Movie nina John Lloyd Cruz at Bea Alonzo simula Disyembre 1, Miyerkules, sa YouTube channel ng Jollibee Studios.
Sa virtual mediacon nitong Nobyembre 30, Martes, kinumusta ng host na si Joyce Pring ang dalawa kaugnay sa pagtatrabahong muli makalipas ang more or less ay anim na taon.
Naunang sumagot si Bea, “I’ve always looked forward to working again with John Lloyd. Kasi, as we all know, he’s such a brilliant actor.
“He keeps me on my toes and every time I work with him, magkakasama lahat ng emotions, e.
“It’s both nerve-wracking and comforting. So, ganun palagi ang pakiramdam ko every time I work with this guy.”
Napangiti ang katabi ni Bea na si John Lloyd, “Ako, sobrang surreal ang experience. Kasi siyempre… when I was away, hindi ko alam na mauulit pa yung mga sandaling nangyari during the shoot.
“So… so… another memorable experience na pumatong sa mga endless memorable experiences with Bea.
“I’m really happy na naulit siya. And it’s always a joy, and it’s always a gift to be working with Bea.
“Kasi, I never get that experience from anybody else.”
Sundot ni Bea, nagiging emosyonal si John Lloyd kapag napag-uusapan ang mga ganitong bagay. Hirit ni Joyce, galing kasi sa puso.
Pagmamatuwid ni John Lloyd, “Hindi galing sa ilong!”
WHAT THEY MISS ABOUT EACH OTHER
Ano ba ang na-miss nila sa pakikipagtrabaho sa isa’t isa?
Mabilis na tugon ni Bea, “Ako, na-miss ko yung mga kulitan. Yung mga tawanan behind the scenes.
“And… I feel most comfortable when I’m with John Lloyd, maybe because we’re working for so long together.
“We are actually celebrating our 20th year working as a love team next year. We started…”
Natatawang singit ni John Lloyd, “Malapit na tayong mag-silver, ‘no?!”
Nag-umpisa ang tandem nina Bea at John Lloyd sa Kapamilya teleseryeng Kay Tagal Kang Hinintay na umere noong Hulyo 2002 hanggang Nobyembre 2003.
Natawa rin si Bea, “You know, mas matagal pa sa ibang marriages!”
“Grabe,” pakli ni John Lloyd.
Pagpapatuloy ni Bea, “So, yeah, I feel most comfortable when I’m with him on the set. Yun ang nami-miss ko, yung ganung level of comfort and, you know, being myself.”
Sabi ni John Lloyd, “Bea, the most familiar talaga. Ahhm, talagang nangyayari, pag nandiyan si Bea, parang… dumadali yung process, kahit ano pa 'yang nasa harap namin.
“Alam ko na mas mahihirapan ako kung hindi siya ang kasama ko, o partner ko. And tingin ko, yun ang pinakana-miss ko.
“Kasi, habang nangyayari yun, parang may mga nabubuhay na experiences, memories. Yun ang na-miss ko.”
Sa BTS (behind-the-scenes) pa lang, nakakakilig na ang dynamics nila.
Tanong ni John Lloyd kay Joyce, “Napansin mo, medyo touchy siya?”
Girl na girl na lambing-himutok ni Bea kay John Lloyd, “Nakakainis ka… bakit ba? Parang allergic ka sa mga touch ngayon?!”
“Hindi, ah?!” mabilis na pagkontra ni John Lloyd.
“Sige, touch mo lang ako.”
Tila nanunukso si Bea, “Ba’t kaya? Ba’t kaya? Ha! Ha! Ha! Ha!”
COMFORTABLE WORKING WITH EACH OTHER
Sa trailer ng One True Pair, padaplis na ang dynamics nila, tapos ay nauudlot. Mauulit ang halos pagdaplis, pero mauudlot muli.
Mas mabilis ba ang shooting nila dahil comfortable na sila sa isa’t isa, o mas matagal dahil kuwentuhan sila nang kuwentuhan?
Natawa ang iconic loveteam, at ang biro ni Lloydie, “Si Bea, laging nakakatanggap ng P2,500.”
Halakhak ni Bea, “Ha! Ha! Ha! Ha! Panalo daw ako sa chika! Ha! Ha! Ha! Ganyan naman ako pag komportable ako, ‘no?
“I think, para sa akin, parang mas napapadali. Kasi, siguro dahil kabisado na namin ang isa’t isa, so… parang isang tinginan lang, alam niyo na kung saan dadalhin.
“Kung paano niyo gagawin. Even habang nagto-throw lines kami, somehow alam ko na yung mga… hindi ko maipaliwanag, e.
“May energy that we both share that is I think hindi ko kayang ma-explain kung ano yung energy na yun.
“But… yun yata yung tinatawag nilang chemistry.”
“Yun!” pag-ayon ni John Lloyd.
Dagdag ni Bea, “Yun nga, e, at saka ang feeling ko, meron kasing mga specific na mga tao na nagbibigay sa ‘yo ng…
“Alam mo yung tumataas yung energy mo pag nandiyan sila sa paligid?
“At parang mas gusto mong… parang mas meron kang… ahhhm, mas meron kang energy to actually work on the script, ganun.
“Because you know na hindi siya magbibigay ng kulang, or hindi siya magbibigay ng sobra. So, parang you also want to work on your craft even more.
“Because nga ang galing ng kasama mo. So, ayaw mo namang mahuli.”
Sambot ni John Lloyd, “Saka ang tagal, e. Di ba, parang… it’s been too long? Parang… you’ve been longing for that familiarity. So…”
Napabuntong-hininga si Bea, “And I think, if you’re talking about yung dynamics namin, what I like about working with this guy is that… I feel that he brings out the best in me.”
“Naks!” matamis na pagngiti ni John Lloyd.
Pagpapatuloy ni Bea, “Pagdating sa trabaho, totoo. Because nga he keeps me on my toes. So, I’m always parang… I want to… I want to do my best when I’m with him.”
Sambit ni John Lloyd, “Thank you.”
Ano ba ang gusto ni John Lloyd kay Bea bilang co-worker at partner?
Matamang tugon ng multi-awarded actor, “She’s like an ally, e. She’s like an ally and she sees through me.
“So, kapag may mga choking points in the process, ahh, pag may medyo mga obstacles na medyo intimidating… isang tinginan lang namin, she knows and she understands.
“And that alone, very comforting. And… gumagaan. So… yun.”
Ano naman ang pinakagusto ni Bea kay John Lloyd bilang katrabaho at ka-partner sa set?
Sagot ng premyadong aktres, “I guess it’s the safe feeling when it comes to, you know, trust. I trust him.
“I trust that he got my back no matter what. Kahit na… kahit na medyo matapilok ako, o madapa ako dun sa eksena.
“Alam ko na he’s going be there to pick up the pieces and help me.”
Napatango si John Lloyd at nagbiro, “Pero tatawa muna ako!”
Pag-ayon ni Bea, “OK lang! Pagtatawanan niya ako, aasarin niya ako… pero gagawin naman niya. Ha! Ha! Ha! Ha!”
Natawa rin si John Lloyd.