Ikinasal na ang vloggers at social media content creators na sina Christian Gaspar, aka Boss Keng, at Patricia Velasquez, aka Neneng Lamig.
Naganap ang kasal ng dalawa sa San Antonio de Padua Church sa Silang, Cavite ngayong Huwebes, November 25.
Sina Boss Keng at Pat ay miyembro ng content creator collective na Team Payaman, na sinimulan ni Lincoln Velasquez o mas kilala bilang Cong TV.
As of today, si Boss Keng ay mayroong 2.91 million subscribers sa YouTube; 328,000 followers sa Instagram; at 1.1 million followers sa Facebook.
Si Pat naman ay mayroong 1.6 million subscribers sa YouTube; 576,000 followers sa Instagram; at 520,000 followers sa Facebook.
Matapos ang kanilang church wedding ceremony, agad na nag-post si Pat sa kanyang Instagram account na kasal na sila ni Christian.
"JUST GOT MARRIED!" sabi nito sa caption na may hashtag na #JackPATsiKENG.
Present sa kasal ang mga kapatid ni Pat na si Cong TV at ang girlfriend nitong si Viy Cortez. Dumalo rin ang isa pang kapatid ni Pat na si Marlon Velasquez, o mas kilala bilang Junnie Boy, at ang fiancée nitng si Vien Iligan.
Ilan pang social media content creators na nakapunta sa kasal nina Pat at Boss Keng ay sina Tita Krissy Achino, Inah Evans aka Ate Dick, Agassi Ching at ang girlfriend nitong si Jai Asuncion.
Napuno naman ng congratulatory messages ang post ni Pat mula sa iba pang content creators kabilang sina Zeinab Harake, Kyo Quijano, "Pastillas Girl" Angelica Jane Yap, ang comedienne/impersonator na si Kaladkaren, at ang former Pinoy Big Brother housemate na si Baninay Bautista.
Naganap ang engagement nina Bosst Keng at Pat noong March 14, 2021.
Mahigit 12 taon silang naging magkarelasyon bago nagdesisyong magpakasal.