May espesyal na ugnayan ba si John Lloyd Cruz sa artist na si Isabel Santos?
Ito ang tanong ng ilang masugid na mga tagasubaybay ni John Lloyd na nakapansin ng pagiging malapit nila ni Isabel sa isa't isa.
Noong November 8, isang fan account ang nag-repost ng litrato ni John Lloyd na sinasabing mula sa Instagram Story ni Isabel.
Kasama ni John Lloyd sa loob ng sasakyan ang dalawang puting aso na tugma sa mga alagang aso ni Isabel na sina Noah at Benny.
Nilagyan pa ito ng fan ng caption na "flexing" at lovestruck emoji.
Dahil dito ay napatanong ang iba pang fans ni John Lloyd kung sila ba ni Isabel.
IS JOHN LLOYD IN ISABEL'S IG POSTS?
Bandang September unang napansin ng netizens na may ibinahagi si Isabel na litratong tingin nila ay si John Lloyd.
Sa Instagram post ni Isabel noong September 9, makikita ang isang lalaking nakatalikod na naglalakad sa hardin at tila papasok ng bahay.
Kasunod niya ang dalawang aso.
Hindi sinabi ni Isabel kung sino ang mystery guy sa litrato liban sa caption na tatlong peaches na emojis.
Tila may pagkakahawig ang structure ng bahay sa picture ni Isabel at sa bahay ni John Lloyd sa Antipolo.
Noong October 7, may isa pang ipinost sa Instagram si Isabel na picture ng lalaking nakatalikod na hinihinala pa ring si John Lloyd.
Mukhang nakabisita na rin si Isabel sa rest house ni John Lloyd sa Batangas.
Nitong November 8, may post uli si Isabel ng isang lalaking nakatalikod na nilalakad ang isang aso sa beach.
May iba ring litrato si Isabel ng dalawa niyang alagang aso na nagtatampisaw sa isang pool.
Ang pool na iyon ay tila kahawig ng swimming pool sa rest house ni John Lloyd sa Batangas, base sa mga kumalat na litrato nang mag-birthday ang aktor at ang anak niyang si Elias noong Hunyo.
ISABEL'S PAINTING ON JOHN LLOYD'S IG
Kung anu't ano man, malinaw na magkakilala sina John Lloyd at Isabel dahil sa art scene.
Noong June 13, ipinost ni John Lloyd sa kanyang official Instagram account ang litrato ng painting na gawa ni Isabel at ng ina nitong si Mona.
Sa comments section, may netizen na napakomento tungkol sa tingin niya ay espesyal na ugnayan nina John Lloyd at Isabel.
Nagkasama na rin sina John Lloyd at Isabel sa isang art exhibit ng grupo ng artists sa Underground Gallery sa Makati Cinema Square noong October 2017.
On record, iyon ang unang pagkakataong ipinakita ni John Lloyd ang mga kuha niyang litrato para sa isang exhibit.
WHO IS ISABEL SANTOS?
Ang mga magulang ni Isabel na sina Soler at Mona Santos ay mga respetadong contemporary Filipino artists.
Si Soler ay anak ng yumaong award-winning painter at cartoonist na si Mauro Malang Santos.
Sa ulat ng Preview noong 2019, nakasaad na nakapag-exhibit na si Isabel ng kanyang art pieces sa New York, Germany, at France.
Nanalo siya ng grand prize sa isang global shirt design competition na may temang "Draw Your World" at ka-partner ng brand ng shirt na iyon ang The Museum of Modern Art (MOMA) sa New York.
Use these MetroMart promo codes when you shop or order online. Marami pang ibang coupons dito.