Engaged na si Dominique Cojuangco sa non-showbiz boyfriend nitong si Michael Hearn.
Si Dominique ang nag-iisang anak ng former actress na si Gretchen Barretto at ng negosyanteng si Tonyboy Cojuangco.
Si Michael ay isa namang negosyante.
Sa kanyang Instagram ngayong araw, October 14, inanunsiyo ni Dominique ang kanyang engagement.
Sa unang larawan ay makikitang nakaakbay ang kamay ni Dominique sa balikat ng nakatalikod na si Michael. Kitang-kita ang engagement ring na nakasuot sa daliri ni Dominique.
Sa ikalawang larawan, makikita naman ang mga kamay nina Dominique at Michael at ang kanilang engagement ring.
"For life," ang tanging caption ni Dominique.
View this post on Instagram
Sa comments section, umulan ng pagbati mula sa celebrities, kabilang sina Laureen Uy, Maureen Wroblewitz, Liz Uy, Isabelle daza, at ang tiyahin niyang si Claudine Barretto.
Sabi ni Claudine, “Congratulations my Baby. so happy for you [three hearts emojis]”
Bumati rin sa kanila sina Dominic Roque at Iza Calzado.
Sa Instagram ni Michael, nag-post din siya ng dalawang larawan kasama ang kanyang fiancée.
Sabi niya sa caption, “On to the next chapter with @dominique”
