Labis na ikinadismaya ng Star Patroller ng TV Patrol na si Ganiel Krishnan ang patutsada sa kanya ng isang swimwear designer.
Kinilala ang swimwear designer na si Domz Ramos, na base sa kanyang profile sa Facebook at Instagram ay swimwear designer ng beauty pageants sa bansa.
Sa kanyang Instagram ngayong Martes, October 5, ni-repost ni Ganiel ang komento ng isang tagasuporta niya laban kay Ramos.
Makikita roon ang patutsada ni Ramos: “MS. WORLD OR NOTHING DAW EH OH AYAN 2ND RUNNER UP JIVAHHHH.”
Wala mang binanggit na pangalan si Ramos, malinaw na si Ganiel ang pinatatamaan nito dahil angTV Patrol reporter ang itinanghal na second runner-up sa katatapos lamang na Miss World Philippines 2021.
Hindi rin kaila sa pageant fans na sa screening pa lang ng Miss World Philippines ay inihayag ni Ganiel na "Miss World or nothing" ang koronang nais niyang makamit sa pageant.
Saad ni Ganiel noon: “Alam mo, when you think so much about winning, parang there are lesser chance for you to think about losing.
"That’s what I am doing right now. I am trying to attract positive thoughts all the time.
"I just really want to stand by what I said. It’s really Miss World or nothing because I am really aiming for the World. Yun talaga yung gusto ko."
ganiel responds to domz's comment about her
Hindi pinalampas ni Ganiel ang patutsada ni Ramos sa pagkabigo niyang makamit ang Miss World Philippines crown.
Maiksi pero prangka ang mensahe ni Ganiel kay Ramos na tinawag niyang "bully."
Sabi ni Ganiel: “UNNECESSARY. INSENSITIVE. BULLY."
Sa makatuwid, sinang-ayunan ni Ganiel ang pahayag ng supporter niya na si @jerome0420 na unang nagkomento sa isyu.
Kalakip ng post ni Ganiel ang pahayag ni @jerome0420 pati na rin ang litrato at comment ni Ramos.
Ayon kay @jerome0420, malinaw na si Ganiel ang pinatatamaan ni Ramos.
Mababasa sa post ng supporter ni Ganiel: “If there is one thing that was made clear after the recently concluded Miss World Philippines pageant is that Domz Ramos is a bully.
“Even if he didn't mention Ganiel Krishnan's name in his post, it was clear as day that he was throwing shade at the beauty queen, using her famed answer during the MWP screening ‘MWP or nothing’ and even added her MWP placement.
“This is quite alarming because it has become a culture amongst pinoy pageant fans to bash and bully candidates without considering the trauma it might cause to the bullied.
“As the swimsuit provider of Binibining Pilipinas, it also stains the reputation of the organization because of his affiliation so I am hoping that he will be reprimanded or dropped because of his bullying ways.
“It's high time that we call out these people who find satisfaction over other people's heartbreak and misery.
“What bothers me most is that he doesn't even show remorse because this isn't the first time he bullied a candidate.
“It discredits the sacrifice and hardwork of the candidates and no one, regardless of his affiliation with any organization, has the right to invalidate the dream of any filipina by bullying.”
View this post on Instagram
Ibinahagi rin ni Ganiel ang mensahe niya kay Ramos sa kanyang verified Facebook account.
Nagpadala ang PEP.ph (Philippine Entertainment Portal) ng mensahe kay Ramos sa kanyang Facebook account para sa panig niya sa isyung ito.
Kaagad namin itong ilalathala kapag tumugon na siya sa aming mensahe.
GANIEL'S PAGEANT EXPERIENCE
Bukod sa Miss World Philippines, sumali rin si Ganiel sa Mutya ng Pilipinas noong 2016 kung saan hinirang siyang Mutya ng Pilipinas Asia-Pacific International.
Noong taon ding iyon, hinirang siya bilang second runner-up sa Miss Asia-Pacific International.
Sa panayam sa kanya ng TV Patrol noong May 2021, ibinahagi ni Ganiel kung kailan niya napagtanto ang pangarap maging beauty queen.
"I was a reporter first before I became a beauty queen for Mutya ng Pilipinas.
"Nung nag-start ako mag-TV, naisip ko rin [sumali], kasi yung mga tao mismo, yung mga fans yung nagsasabi na, 'I think you can join beauty pageants.'
"I would tell them na, 'Hindi, kasi reporter na ako and mas gusto kong maging reporter.'
"Nung mas marami nang tao, mas nag-e-echo yung gusto nila na mag-pageant ako, parang lumakas yung loob ko.
"Iba rin talaga yung natutulong ng mga tao na nanonood din sa 'yo. Siyempre, alam nila kung ano yung rehistro mo sa camera, paano ka magsalita."
Use these Lazada vouchers when you shop or order online. Marami pang ibang coupons dito.