Naungkat ang lumang video ni Macoy Dubs kunsaan sinasabing hinipuan nito ang isang lalaking nagngangalang "CJ" sa Lunch Out Loud (LOL).
Ang LOL ang daily noontime show sa TV5, na ipinoprodyus ng independent film company na Brightlight Productions.
Si Macoy ay isa sa mainstays ng LOL, pero pansamantala siyang nagpaalam sa show mula noong Abril.
Bago magtapos ang buwan ng Agosto, may ilang netizens na kinuwestiyon ang tingin nila'y "harassment" na ginawa ni Macoy.
Ni-repost nila ang video mula sa lumang Instagram Story ni Macoy.
Makikitang nasa audience area ng LOL si Macoy nang mag-selfie video ito habang ongoing ang noontime show.
Pasimple siyang lumingon sa likod para tapikin si CJ sa pantalon nito sa may bandang private part.
Napayuko si CJ dahil sa hindi inaasahang pagtapik ni Macoy, at natawa naman si Macoy sa kanyang panghaharot sa kasamahan.
"Laki!" hirit ni Macoy.
Dagdag na caption niya sa video, "HAHAHA DAKS MO NAMAN CJ!"
NETIZENS CLAIM MACOY'S VIDEO SHOWS "HARASSMENT"
Pinuna ng netizens ang tinawag nilang "groping" o "panghihipo" ni Macoy sa kasamang lalaki sa studio ng LOL.
Hindi raw nakakatawa kung tingin nito ay biro ang kanyang ginawang pagtapik sa bandang private part ni CJ.
Nakakapagpaalala raw ito ng trauma para sa ibang mga nakaranas ng harassment.
Puna ng iba pang netizens, hindi rin daw tama gawing biro na may halong "sexual innuendos."
"P.S. even if it's just harutan, the guy still didn't consent to being groped. Stop gaslighting sexual harassment as clear as day."
MACOY: "IT WAS NEVER MY INTENTION TO HARASS CJ."
Sinagot ni Macoy ang mga batikos sa sinasabing panghihipo niya sa isang lalaking nagngangalang CJ.
Ipinost ni Macoy ang video message niya via Instagram Story kagabi, August 31.
Depensa ni Macoy, hindi "harassment" kundi "harutan ng magbarkada" ang nangyaring insidente.
Magkaibigan at magkabarkada raw ang turingan nila.
Sabi rin ni Macoy, hindi tumama sa private part ni CJ ang pagtapik niya rito noon.
Paliwanag pa ni Macoy: "Meron pong kumakalat na video sa twitter about my IG video way, way back nung nasa noontime show pa ako nung hinupuan ko si CJ.
"Totoo naman po naghaharutan kami at nagkukulitan. Yun ang harutan namin.
"But this is true and this is the truth. Hindi ko hinawakan yung private part niya.
"Nagkukulitan kami, kunyari hihipuan, ganyan."
Humingi ng paumanhin si Macoy kung may ibang netizens na na-offend sa video.
"Number 2, I'm really sorry kung naka-trigger sa inyo yung video na yun, kasi madalas naman talaga ako mag-upload ng IG story.
"I'm really sorry and I own up to that mistake kung na-trigger kayo.
"I just want to say na hindi ko tino-tolerate yung sexual harassment.
"Sa magbabarkada po, yes, nangyayari yung mga ganung klaseng harutan. Internally, di ba, nangyayari yung mga ganun.
"Pero ang mali ko kasi, nasa video siya. And parang nagiging dating sa iilan ay harassment."
Ayon kay Macoy, nag-usap sila ni CJ at malinaw sa kanila na hindi niya ito hinarass.
"Kaya I just want to make it clear lang, it was never my intention to harass CJ.
"At sa katunayan po, I even asked him kung comfortable siya na ganun yung IG story namin or yung harutan namin. He said comfy siya.
"And kanina nag-usap kami na wala namang issue.
"So, I'm really sorry if 'yon yung naging dating sa inyo, if may na-trigger.
"But again, I will never tolerate sexual harassment because hindi po yun ang intensiyon ko. Again, I'm really, really sorry."
MACOY VOWS TO BE MORE RESPONSIBLE
Sa huli, naglabas din si Macoy ng magkakasunod na written text sa Instagram Stories kunsaan inaamin niyang hindi dapat gawing normal na biro ang harutan tulad nang ginawa niya.
"I also want to express that I will be better with my actions. And those actions na nasa video ay di dapat tularan at di dapat gawing normal.
"Again, malinis ang intention ko sa tao. Owning this mistake/responsibility. Again, hindi ko tino-tolerate ang sexual harassment."
Sa hiwalay na post niya sa kanyang Instagram feed, dagdag ni Macoy, "PS,
Hindi ako perpekto. Hindi rin ako malinis. Pero mabuti ang intention ko.
"Hindi ako pumapatay. Hindi ako nagnanakaw.
"Bago ako bigyan ng masasakit na salita, at mga maling paratang, sana makilala ninyo muna ako sa personal. Paalam na muna."