Usap-usapan ngayon sa social media sina Raymond Gutierrez, 37, at Tony Labrusca, 26, matapos kumalat ang kanilang short dance video.
Si Raymond ang nag-post ng video sa kanyang Instagram Story.
Sumasayaw sina Tony at Raymond sa video sa saliw ng kantang “Say So” ni Doja Cat, isang American female rapper and singer.
Makikitang hindi natapos ni Raymond ang dance steps dahil tila nahiya ito at nagtakip ng mukha.
Bandang dulo ay makikita siyang lumapit siya kay Tony at inakbayan ang aktor.
Caption ni Raymond: “Millenials trying TikTok @tony.labrusca”
Hindi malinaw kung kailan mismo ipinost ang video na ito, pero lumalabas na recent lang ito.
Mabubura ang Instagram Story pagkalipas ng 24 oras.
Hindi naman ito naka-post sa TikTok accounts nina Tony at Raymond.
Na-pick up ng ibang entertainment at news vlogs ang video na ito nina Tony at Raymond, at nagkaroon ng iba’t ibang reaksiyon mula sa netizens.
May mga nang-iintriga at ang iba naman ay nagtatanong kung may collaboration ba ang dalawa.
PATRICK STARRR BONDS WITH TONY AND RAYMOND
Lunes, August 30, ipinost ng sikat na Filpino-American YouTuber at make-up artist na si Patrick Starrr ang mga larawan niya kasama sina Raymond at Tony.
Sa unang post ni Patrick, kasama niyang nag-mirror selfie ang dalawang Pinoy celebrities habang nasa loob ng isang establishment.
Si Raymond ang kumuha ng kanilang picture. Tinag naman ni Patrick sina Tony at Raymond nang i-post ito ng influencer sa Instagram Story.
Hindi tiyak kung saan ang lugar, pero ang malinaw ay hindi ito sa Pilipinas.
Si Raymond ay nakabase ngayon sa California, U.S.A, kung saan din nakatira si Patrick.
Nasa Amerika rin ngayon si Tony kasama ang kanyang ina na si Angel Jones.
PATRICK ASKS PINOY FOLLOWERS ABOUT TONY AND RAYMOND
Ipinost din ni Patrick ang individual photos niya kasama sina Tony at Raymond.
Kasunod niyon ay muli niyang ni-repost ang mga larawang ito at nagtatanong sa netizens tungkol sa dalawang aktor.
Sa picture na kasama niya si Tony: “What do you know about Tony Labrusca? [Philippine flag, eyes emoji]”
Sa picture ni Patrick kasama si Raymond: “What do you know about Mond Gutierrez? [Philippine flag, eyes emoji]”
Ang “eyes emoji” ay indikasyong interesado o kaya ay naiintriga sa isang tao.
Ni-repost naman nina Tony at Raymond ang kani-kaniyang larawan kasama si Patrick na wala ang captions.
Use these Klook promo codes when you shop or order online. Marami pang ibang coupons dito.