Isa si Alden Richards sa mga hinahangad na makatrabaho ni Dina Bonnevie.
At nangyari na nga ito sa GMA prime-time series na The World Between Us, na ipinalabas ang season ender ngayong gabi, August 27, 2021.
Muling magbabalik at mapapanood ito sa ikalawang linggo ng November ng taong ito.
Kinamusta ng PEP.ph (Philippine Entertainment Portal) at ilang miyembro ng press si Dina sa naganap na online mediacon ng serye. Na-meet ba ang expectations niya kay Alden?
“More than what I expected,” ang mabilis na sagot ni Ms. D.
Ayon pa sa kanya, “Well, I’ve really wanted to work with Alden kasi nga, gusto ko lahat ng mga now na artista. Yung mga up-and-coming superstar, gusto kong makatrabaho.
“I was so happy to have been given the chance to work with Alden kasi hindi lang siya business-minded, he’s a very intelligent actor talaga.
“And personally, I think, he’s very kind, he’s very giving, very respectful, very gracious. He’s so gracioso. Such a gentleman and very generous.”
Saka nito winarningan si Alden na huwag daw lalaki ang ulo.
Sabi pa ni Ms. D, “I was so surprised to have known him and find out that he’s actually more than what I expected.
“Hindi lang pala siya guwapo, pati ang kalooban niya, guwapo rin. Very nice person talaga.”
Base sa description ni Dina kay Alden, marunong sa buhay ang 29-year-old actor.
Dugtong pa niyang papuri sa Kapuso leading man, “I like his mind. Gusto ko yung utak niya. Hindi siya iyong artista lang [na] hindi narunong mag-invest, parang go with the flow, bahala na si Batman. Hindi, e, hindi siya gano’n.
“He always think way ahead on what is going to happen. So he’s preparing for his future. Kumbaga sa chess, alam na niya ang mga galaw niya at para sa akin, kapuri-puri ang artistang ganyan or ang taong ganyan."
THE WORLD BETWEEN US SEASON-ENDER
Ngayong gabi, nag-iwan ang episode ng ilang palaisipan na masasagot sa pagbabalik ng serye sa November.
At the time of the mediacon, may konting giveaway ni Ms. D tungkol sa character niyang si Rachel Libradilla at character ni Jaclyn Jose na si Jacinta "Yachie" Delgado. Base sa trailer, malalaman ni Rachel na si Yachie ang "dating kabit ng asawa" niya.
Kuwento ni Dina, "Siguro ang masasabi ko na lang, hindi naman lahat ng friendship nagsu-survive kahit magkaroon ng konting away, di ba?
"So sabihin na lang natin na there will come a time that our friendship will turn sour. So magagalit si Rachel kay Yachie and abangan kung ano ang mangyayari at kung bakit siya magagalit kay Yachie.”
Sa panahon ngayon na may pandemya, hindi lahat ng artista, tumatanggap ng trabaho, lalo na kung kakailanganing mag-lock-in taping.
Pero isa siya simula pa noong isang taon na tila di alintana ang mga restrictions ng new normal sa isang taping ng teleserye.
Pahayag ng 60-year-old actress, “Sa akin kasi, if you talk about the word ‘fear,’ fear is taking away from you. You’re missing out a lot of opportunity to grow, a lot of opportunities to meet people, to improve yourself because of so much fear and anxiety.
“Parang in a world full of fear and anxiety, you can actually switch that.
"And instead of allowing your fear to pester in your life, you take the fear and bring in behind you and do something else—like make people happy, inspire people.”
May mga pinagdaanan rin daw siya habang ginagawa niya ang The World Between Us at naka-lock-in taping siya.
“While doing this show, siyempre, nakakatakot. We went through a lot of problems. My dad was in a hospital, hindi ako makalabas sa taping, all of these things.
"Pero in hindsight, if you look at it again, parang sa gitna ng pandemya, everybody is suffering, everybody is anxious. Pero you give people hope. You give people faith na, wait, it’s not the end, may bukas pa, may mangyayari. May magandang kahihinatnan ito.
"So para sa akin, ano naman ang gagawin mo? Magmumumok ka sa bahay? You’ll be so afraid, wala kang ibang gagawin. E, di find time to improve yourself. Work, read, workout.”
At sabi pa niya, “If you’re blessed with work, why not? Take it, embrace it. And I’m very, very happy to have given this role."
Sa huli, binigyan niya ng shout-out ang direktor na si Dominic Zapata.
"And thank you Direk Dom, napaka-perfect talaga ng teleserye namin, perfect.”