Itinanghal na Miss Philippines Earth 2021 ang Filipino-Syrian model na si Naelah Alshorbaji.
Ginanap ngayong araw ang virtual grand coronation ng nasabing pageant kung saan tinalo ng 23-year-old model mula sa Parañaque ang 65 kandidata mula sa iba't ibang panig ng bansa.
Ang ABS-CBN host na si Robi Domingo ang nagsilbing guest sa nasabing pageant.
Maayos na nasagot ni Naelah ang final question para sa top 10 candidates ng Miss Philippines Earth. Pare-pareho na tanong ang sinagot ng mga finalist.
Ang tanong: "You have goals in life and things you want to do. Given the ongoing pandemic with lots of restrictions, how do you plan to move forward?"
Sagot naman ni Naelah: "I believe that despite the restrictions in terms of the pandemic, we have social media for us to progress and move forward.
"And I think that’s the beauty of what we... the generation that we are going through right now.
"So moving forward, I think I can accomplish my goals and dreams regardless, because I have a bright future even we're... during the pandemic.
"And I hope that inspires people around us. Thank you."
View this post on Instagram
Kabilang naman sa elemental court ni Naelah si Ameera Almamari mula sa Atimonan, Quezon na itinanghal na Miss Philippines Air 2021.
Ang kandidata mula sa Iloilo City na si Rocel Angelah Songano naman ang nanalong Miss Philippines Water 2021.
Si Roni Meneses ng Mandaluyong City ang itinanghal na Miss Philippines Fire 2021.
At si Sofia Grace Galve ng Tanay, Rizal ang nakakuha ng titulong Miss Philippines Eco-Tourism 2021.
Ito ang ikalawang beses na ginawang virtual ang grand coronation ng Miss Philippines Earth. Bago si Naelah, si Roxanne Baeyens ang itinalagang Miss Philippines Earth 2020. Kasalukuyan siyang reigning Miss Earth Water 2020.
Kabilang naman sa panel of judges ang reigning Miss Earth titleholder na si Lindsay Coffey, Miss Earth 2018 Nguyen Phong Khanh, ang TV hosts na sina Kim Atienza at Marc Nelson, at ang TalentMan Models founder na si Michael Seifert,
Ang Carousel Productions Inc. ang organizers ng Miss Earth at Miss Philippines Earth pageants.