Malaki ang pasasalamat ni Sunshine Cruz dahil nakikita nitong maayos ang pakikisalamuha ng kanyang mga anak na sina Angelina, 19, Sam, 15, at Chesca, 14, sa kanilang half-brother na si Diego Loyzaga, 26.
Si Diego ay ang panganay na anak ni Cesar Montano kay Teresa Loyzaga.
Si Cesar ang ex-husband ni Sunshine at siya ring ama nina Angelina, Sam at Chesca.
Sa isang Instagram post nitong Biyernes, June 4, 2021, ibinahagi ni Sunshine ang mga litrato ng bonding session ng kanyang mga anak kasama si Diego.
Kasama nina Angelina, Sam, at Chesca si Diego na nag-celebrate ng birthday ng kanilang pet dog na si Holi sa kanilang bahay sa Parañaque City.
Caption ni Sunshine, "Happiest 8th Birthday to our holiday! We love you holi!!! [emojis] Thanks for visiting your sisters @diegoloyzaga [emojis]"
View this post on Instagram
Nag-iwan din ng comment si Diego sa post ni Sunshine.
Sabi nito, "Heheheh i love you tita!"
Hindi ito ang unang beses na dinalaw ni Diego ang kanyang mga kapatid.
Sa katunayan, madalas nga itong bumisita kina Sunshine at sa mga anak nito noong wala pang pandemya.
Sa panayam ng PEP.ph kay Sunshine noong November 2019, kuwento nito, "He visits my kids. May time na almost every day, nandoon siya sa house with my children.
"But of course, I respect their privacy. Ayaw nilang ilabas yung photos, yung bonding ng mga kids.
"Natuwa nga ako, meron siyang kasama, si Tong [Teresa Loyzaga]… napakabait na bata. Mahal na mahal ng mga anak ko si Diego."