Mainit pa ring pinag-uusapan ang alegasyong sinabotahe diumano ng international fashion designer na si Michael Cinco ang gowns ni Miss Canada Nova Stevens para sa 69th Miss Universe.
Si Michael ay Dubai-based Filipino fashion designer.
Sabado, May 22, kumalat ang social media post ng team ni Nova na MGmode Communications, na nagsabing "terrible mistake" ang pakikipagtransaksiyon nila kay Michael dahil bukod sa "late" ay wala raw nagkasya sa gowns na dinisenyo nito para kay Nova.
Kinailangan pa raw remedyuhan ang isinuot na evening gown ni Miss Canada noong Miss Universe 2020 finals night noong May 16, at hindi na nasuot pa ni Miss Canada ang gown na gawa ni Michael para sa preliminary evening gown competition noong May 13.
Nagpatutsada rin ang MGmode kung bakit kay Miss Canada ay ill-fitting, habang ang isa pang kandidata na dinamitan ni Michael ay maayos naman daw ang nakuhang gown.
Sa gitna ng isyung ito, nagpatunay ang Filipino designers na sina Jaggy Glarino at Bessie Besana na walang katotohanan ang alegasyong sinabotahe ni Michael ang susuoting gowns ni Miss Canada.
Si Jaggy ang isa sa Filipino designers na tumulong sa pagbuo ng outfits ni Miss Canada.
Sa kanyang Facebook post ngayong Linggo, May 23, inilahad ni Jaggy na nakipag-ugnayan si Michael sa kanya at sa stylists na sina Francis Chee at Vhee Co para gumawa ng outfit na gagamitin sana ni Miss Canada sa closed-door interview ng 69th Miss Universe.
Sa loob ng dalawang araw ay nakagawa raw si Jaggy ng pink deconstructed suit, na may matching pink heels na gawa ni May Lee at customized earrings na gawa ni Eric Manansala.
Hindi nga lang daw iyon nagamit ni Miss Canada.
Paliwanag ni Jaggy: "To cut the story short, the look didn't make it to the close door interview. It was a missed opportunity really, a waste of time, money and effort. A lesson learned the hard way.
"At least our package went on a round trip tour; from Manila to Chicago, Miami, Dubai and back unworn right?
"Even if things didn't go as planned, we are still very grateful to all of the people who have helped us and to M5 [Michael Cinco] for the opportunity! We are beyond grateful for your trust Mademoiselle!"
ON TRANSPORTING THE PINK SUIT FROM MANILA TO FLORIDA
Kalakip ng Facebook post ni Jaggy ay screenshot ng pahayag ni Bessie, na siyang nagbiyahe ng pink suit na gawa ni Jaggy mula Manila hanggang Chicago at Florida.
Si Bessie ay former general manager ng Miss World Philippines.
Ayon kay Bessie, hanggang Chicago lang niya dapat bibitbitin ang pink suit ni Miss Canada. Pero hindi raw dumating ang taong magpi-pickup ng pink suit mula sa Chicago patungong Miami, Florida.
Si Bessie pa raw ang nagbiyahe ng pink suit ni Miss Canada para personal itong i-deliver sa Seminole Hard Rock Hotel & Casino sa Miami, Florida—na siyang venue at official residence ng 69th Miss Universe.
Kaya nagulat daw si Bessie nang pumutok ang balita tungkol sa reklamo ng kampo ni Miss Canada.
Paliwanag ni Bessie (published as is): "Fact: Jaggy Glarino, Vhee Co, Francis Chee even asked me to bring a suit for Nova as per M5's paki suyo for the preliminaries.
"This is how good hearted M5 is na kahit pang prelims interview gusto niya na maganda ang suot ni Nova.
"Sadly the suit did not make it in time because the person who was suppose to get the suit from me in Chicago was not responsive!
"I had to carry pa the suit in my personal luggage from Chicago to Hollywood, FL para iwanan ko lang sa reception ng hotel.
"Gosh, my heart is breaking madam Michael Cinco. We love you!"
Makikita rin sa screenshot ang reply ni Jaggy, na nagsabing totoong nakisuyo sila nina Vhee at Francis para madala ni Bessie ang creations nila para kay Miss Canada.
Sabi ni Jaggy kay Bessie (published as is): "Bessie Besana we are super grateful for your help sis.
"And we are very sorry for the trouble this has caused you but we were also just caught up around the dead end when they were not responding.
"Thank you again for the patience."
"NO SABOTAGE"
Sa sumunod na Facebook post ni Jaggy, idiniin niyang hindi nagkulang si Michael sa pag-aalaga sa mga pangangailangan ni Miss Canada sa 69th Miss Universe.
Si Michael din daw ang nag-tap kay Jaggy para sa white tulle ball gown na isinuot ni Miss Canada sa pictorial niya sa Dubai.
Ayon kay Jaggy, si Michael daw ang gumastos pati sa shipping ng kanyang dinisenyong gown mula Manila patungong Dubai.
"The point of my last post is, there is no sabotage!!! The idea of a sabotage is self-inflicting and stupid!
"Mademoiselle Michael Cinco went out of his way to provide clothes for the candidate.
"He tapped me to do clothes (a full look) out of his sheer goodwill. Remember, my clothes? A 300 plus yards of white tulle ball gown and a heavy knit ensemble? That was flown in from Manila just to be shot in Dubai!"
"The Mademoiselle paid for every centimeter of that box's volume weight. Can you imagine how much a huge balik bayan box would cost on an international air freight cargo two way?"
Kaya ganoon na lang daw ang pagkadismaya ni Jaggy sa naiulat na patutsada ng kampo ni Miss Canada kay Michael.
Hindi raw masisisi si Michael kung labis mang sumama ang loob nito kay Miss Canada at sa team ng dalaga.
"This post is not about me/us, our risks that didn't pay off nor the 'kakarampot' contribution we've rendered.
"This post is a testament to the kindness of the person being wrongfully accussed. Attacking his team, the people who works for him is tantamount to attacking the creative head himself.
"You cannot go around telling the universe that you adore him and think that his people was deliberately sabotaging you behind his watch.
"I would definitely do the same if you are to start calling out my staff in the same disrespectful manner online.
"If you were to ask me, I wouldn't sow this amount of kindness to your candidate and your team only to end up being publicly humiliated and wrongfully accused!
"That is unfair! In situations like this, you do not expect someone to just keep quiet and be passive. You just gotta' clap back and serve them!"
