Proud pa rin sina Miss Universe 2015 Pia Wurtzbach at Miss Universe 2018 Catriona Gray sa kandidata ng Pilipinas sa Miss Universe 2020 na si Rabiya Mateo.
Hindi pinalad si Rabiya na makuha ang korona sa 69th Miss Universe.
Nakapasok si Rabiya sa Top 21, pero hindi na siya sinuwerteng mabigyan ng pagkakataong maiuwi ang ikalimang korona ng Miss Universe para sa Pilipinas.
Sa kabila nito, mainit pa rin ang suporta ng mga dating Pinay Miss Universe queens sa kanilang pageant sister.
Sabi ni Catriona sa kanyang tweet ilang sandali matapos ianunsiyo ang Top 10: "Woooow this year is intense!! Sending Rabiya all of our love! She made our country proud! 11 Year consecutive semi-streak Pilipinassss #MissUniverse"
Ang tinutukoy ni Catriona na 11-year consecutive winning streak ay ang pagkabilang sa mga kandidata ng Pilipinas sa mga pasok sa semifinalists mula 2010.
Sila ay sina Venus Raj (4th runner-up, 2010); Shamcey Supsup (3rd runner-up, 2011); Janine Tugonon (1st runner-up, 2012); Ariella Arida (3rd runner-up, 2013), MJ Lastimosa (Top 10, 2014); Pia Wurtzbach (Winner, 2015); Maxine Medina (Top 6, 2016); Rachel Peters (Top 10, 2017); Catriona (Winner, 2018); Gazini Ganados (Top 20, 2019); at si Rabiya (Top 21, 2020).
Sabi naman ni Pia, “Rabiya you made us so proud! We know you put your heart into this and we love you! Mabuhay ang Pinay! #MissUniverse”
“STILL PROUD OF RABIYA”
Kahit hindi nakapasok sa Top 10, ipinagmamalaki pa rin ng Iloilo ang kanilang “reyna” na si Rabiya.
Ayon kay Iloilo City Mayor Jerry Treñas, “WE ARE STILL PROUD OF YOU RABIYA
"Congratulations to our very own Rabiya Mateo for being one of the top 21 beautiful and smart women of the Universe!
"I met her a while back, and I saw her compassion to help our fellow Filipinos especially educating our young children.
"She had strived very hard to achieve her dreams.
"She had fluently represented the City of Love to the entire globe, and we are very proud of her.
"We cannot wait to welcome her home and make her feel the love of every Ilonggo."
Inaasahan na ang mainit na pagsalubong ng mga Pinoy kay Rabiya sa kanyang pagbabalik sa bansa.
Ang itinanghal na Miss Universe 2020 ay si Andrea Meza ng Mexico.