Halos isang buwan na ang relasyon ni Jimuel Pacquiao at ng kapwa niya baguhang si Arabella del Rosario.
Kaya naman inusisa si Jimuel kung boto ba ang kanyang mga magulang na sina Senator Manny Pacquiao at Jinkee Pacquiao sa bago niyang girlfriend.
Sa episode ng Star Magic Inside News sa YouTube na lumabas kahapon, April 21, hindi nakaiwas ang binata sa tanong ukol sa kanyang mga magulang at sa girlfriend.
Sa nasabing episode, inamin ni Jimuel na may ilang katanungan sina Manny at Jinkee tungkol kay Arabella.
Pero suportado naman daw ng mga ito ang kanilang relasyon.
Saad ng 20-year-old newbie actor, "Of course, it’s normal naman po to ask questions.
"You know, where she’s from, ganito... But they’re very supportive naman kasi tugma kaming dalawa and parang we’re both happy."
Gayundin naman si Arabella. Nagtanong din daw ang kanyang ina tungkol sa boyfriend.
May payo rin daw ito sa kanya tungkol sa kanilang relasyon.
Lahad ng 19-year-old newbie actress, "For my mom po, parang sabi niya, madami pa kaming mapagdadaanan na challenges.
"And of course, hindi din mawawala yun, especially yung pressure ng showbiz, so kailangan lang namin maging matatag.
"And kailangan lang namin i-remember na why we are together in the first place."
Malaking bagay rin daw para kay Jimuel na pareho silang madasalin ni Arabella kaya nakasentro ang kanilang relasyon sa Diyos.
Sabi nito, “For me naman po, it’s having God as the center of our relationship, kasi everything will follow.
"For as long as we read the Bible, always pray, everything will just follow lang din."
MEETING JIMUEL'S SIBLINGS, PARENTS
Nitong March 2021 lamang, nagkuwento si Arabella tungkol sa bonding niya sa mga kapatid at mga magulang ni Jimuel.
Saad niya, "Okey naman. Sa mga siblings nila, we hang out with Michael, kasi recently nag-visit yung ibang mga cousins niya dito sa Manila fron GenSan, so nag-bonding-bonding kami.
"Magka-age kami nila Michael, 'tapos ni Jim, 'tapos kami.
"I also bonded with the other siblings. I met na rin si Princess, si Queenie, and of course si Israel.
"I met na rin his parents a couple of times and okay naman."
December 2020 umingay ang ugnayan ng dalawa nang mag-post si Jimuel ng larawan nila ni Arabella sa Twitter na magkahawak-kamay.