Isa si Aiko Melendez, 45, sa mga pinakamagaling na aktres sa showbiz.
Ilan sa mga romance drama films na pinagbidahan niya noong '90s ay ang May Minamahal (1993), Maalaala Mo Kaya: The Movie (1994), at Mula Noon Hanggang Ngayon (1996).
Kabogera rin si Aiko bilang unforgettable kontrabida sa mga teleseryeng Prima Donnas (2019-2021) ng GMA Network at Wildflower (2017-2018) ng ABS-CBN.
Pero bilang artista, mayroon din daw siyang "baptism of fire" o iyong hindi malilimutang karanasan sa showbiz na nakatulong sa pagkakaroon niya ng disiplina.
Lesson from Maricel
Tinanong ng PEP.ph (Philippine Entertainment Portal) si Aiko ukol dito nang makapanayam siya sa virtual presscon para sa "#Future" episode ng I Can See You, ang drama anthology ng Kapuso network, kunsaan huli siyang napanood.
"It worked for me in a good way," bungad ni Aiko.
Tandang-tanda raw ni Aiko ang aral na natutunan niya mula sa Diamond Star na si Maricel Soriano, 56.
Una silang nagkatrabaho sa pelikulang Santa Claus Is Coming To Town noong 1984.
Gumanap si Aiko bilang anak nina Maricel at William Martinez. Kasama rin sa pelikula sina Snooky Serna at Gabby Concepcion.
Balik-tanaw ni Aiko: "I remember vividly si Nay Maria, Maricel Soriano.
"One time, nakatulala ako, and then nagba-blocking. Siguro na-starstruck ako sa mga kaeksena ko.
"When it was turn to say my lines, hindi ako ready."
Child star pa lang noon si Aiko, at maayos naman daw siyang kinausap ni Maricel.
"Bata pa lang ako, six years old pa lang ako.
"Hindi naman niya ako sinindak.
"Parang, 'Hoy! Bakit nakatulala ka diyan?' Alam niyo si Nay Mary."
Base sa pagkakabigkas ni Aiko, prangka pero walang halong inis nang kausapin siya noon ni Maricel.
Patuloy ni Aiko: "So, pinagsabihan ako ni Nay Mary, 'Kung gusto mo mag-artista, hindi mo dapat pinapakinggan o mine-memorize lang yung linya mo. Dapat yung mga linya rin ng kasama mo, alam mo, i-memorize mo, para alam mo kung kailan ka papasok.'
"Yun siguro yung dala-dala ko, yung itinuro niya sa akin na pagiging propesyunal.
"Na kahit may sakit ka, you have to report sa set, lalo na kapag yung sakit mo kaya mo i-bear.
"So, that's one thing I learned from Ms. Maricel, which up today pina-practice ko pa rin."
Muli raw silang nagkatrabaho sa pelikulang Filipinas noong 2003.
Isa iyong family drama tampok sina Maricel, Aiko, Richard Gomez, Dawn Zulueta, Victor Neri, at ang yumaong si Armida Siguion-Reyna.
Magkapatid sina Aiko, Maricel, Richard, at Victor sa pelikula.
At sa pagkakataong iyon ay hasa na rin si Aiko bilang dramatic actress.
Lahad ni Aiko: "When we did Filipinas, all-star cast yun, so siyempre lahat ng mga kasama ko dun sobrang beterano, tapos director pa namin si Joel Lamangan.
"So, dapat talaga lagi kang ready.
"Hindi lang yung ready ka lang dahil hindi mo pa linya. Dapat kapag eksena, alam mo lahat nangyayari sa paligid mo."