Going strong ang four-year relationship nina Barbie Forteza, 24, at Jak Roberto, 27.
Napag-uusapan na ba nila ang kasal?
"Well, nothing’s final, but we speak about it from time to time," ang sabi ni Barbie sa PEP.ph (Philippine Entertainment Portal) via email interview nitong Lunes, March 8, 2021.
Pero may usapan raw sila na bago ang pagpapakasal, aatupagin muna nila ang pag-iipon.
Dugtong ni Barbie, "We both agreed that we would save and prepare for it financially first before we really start planning."
Eto talaga ang priority ng aktres lalo't naranasan niya last year ang mawalan ng work sa pandemiyang dulot ng COVID-19.
"I learned to be more practical and to think long term.
"I learned to save for the future and to value each moment with my loved ones."
Ayon sa Kapuso actress, hindi naman raw siya nakaranas ng depression o anxiety sa kabila ng hindi magandang sitwasyon ng buong mundo ngayon.
Aniya, "I try to take it one day at a time and deal with the current situation as much as I can without overwhelming myself.
"I surround myself with the people who care about me and we try to help each other get through the day."
Ano ang maipapayo ni Barbie sa mga katulad niyang millennials para mapangalagaan ang kanilang mental and physical health?
Payo ni Barbie, "Always know that you are not alone. Always get something done every day.
"Make each day count. Just be thankful for all the blessings you’ve been getting and don’t take it for granted."
BARBIE FORTEZA ON "ANAK NI WARAY VS ANAK NI BIDAY"
Matatapos na ngayong linggong ito ang GMA-7 show na Anak Ni Waray Vs Anak Ni Biday, na pinagbibidahan niya.
Paano niya ide-describe ang naging buong journey niya sa show?
Kuwento ni Barbie, "It was challenging, but thankfully I’m with the best team.
"We handled the new normal taping pretty smoothly."
Ano ang pakiramdam na isa siya sa mga maituturing na reyna sa GMA-7?
"Wow! I’m really flattered. Thank you so much!
"Though, I think it’s still too soon to claim anything.
"I’m just happy that I have work and that I still do what I love."
Bida sina Barbie (bilang Ginalyn) at Kate Valdez (bilang Caitlyn) sa Anak Ni Waray vs. Anak Ni Biday, kung saan kasama rin sa cast sina Snooky Serna (bilang Amy) at Dina Bonnevie (bilang Sussie).
Kasama rin dito sina Jay Manalo (bilang Joaquin), Migo Adecer (bilang Cocoy) at marami pang iba.
Ang Anak Ni Waray Vs Anak Ni Biday ay sa direksiyon ni Mark Sicat dela Cruz at napapanood Lunes hanggang Biyernes, alas otso ng gabi, pagkatapos ng 24 Oras.