Umapela si Kylie Verzosa, 29, na tigilan na ang pambabatikos kay Jake Cuenca, 33, dahil sa biro ng aktor na kunwari ay magpo-propose ito sa nobya.
Noong Huwebes, February 25, ibinahagi ni Jake ang short video clip ng romantic dinner date nila ni Kylie habang nakabakasyon sila sa Palawan.
Napapalibutan ng hugis-pusong Christmas lights ang dinner set-up sa garden ng resort na tinuluyan nila roon.
Dito humirit si Jake na may nais siyang itanong kay Kylie.
Natigilan pa si Jake at binitin ang kanyang tanong na waring aktong magpo-propose sa dalaga.
Game naman si Kylie na umarteng excited habang naghihintay ng sasabihin sa kanya ni Jake.
Sabay ang tanong lang pala ni Jake, "Kumain ka na ba?"
Tawa naman nang tawa si Kylie sa tinuran ng boyfriend.
May netizens na nakapanood ng prank ni Jake na umalmang "bad joke" daw ang paasahin ang babae lalo na't seryosong usapin ang kasal.
KYLIE SAYS JAKE IS THE "BEST BOYFRIEND"
Pero sa comments section ng post ni Jake, nilinaw ni Kylie na hindi niya minasama ang biro ng nobyo dahil kasabwat din siya nito.
Paliwanag ni Kylie kagabi, February 26: "Hello guys! I knew that Jake was going to ask me this question before filming.
"No feelings or humans were hurt while filming this video hehe, peace and love [prayer emoji]
"Jake has been the best boyfriend to me."
Ni-repost din ito ni Kylie sa sarili niyang Instagram Story.
Bilang patunay na hindi siya dismayado sa nobyo, nag-iwan siya ng "I love you" na mensahe sa Instagram feed ni Jake ngayong Sabado, February 27.
"I am so lucky to have you [shining and heart emojis] I love you boo [couple with heart emoji]."
JAKE UNFAZED BY CRITICS
Hindi naman nagpatinag si Jake sa mga bumatikos sa kanyang proposal prank.
Ngayong Sabado, February 27, nag-post si Jake ng video kunsaan masuyong humalik si Kylie sa pisngi ng aktor.
Gumanti rin si Jake ng halik sa kaliwang pisngi ni Kylie.
Sabi ni Jake sa caption, "The only opinion that matters when it comes to our relationship is yours.
"I love you @kylieverzosa."
Dagdag pa ni Jake, "unapologetically in love" daw siya sa nobya.
CELEBRITY REACTIONS
Natawa naman ang ilan sa mga kaibigan ng couple sa proposal prank ni Jake.
Ayon kay Angel Locsin, umasa raw siyang totohanan na iyon.
"Bwiset! naka-antabay ako eh," komento ni Angel na may kalakip na laughing with tears emojis.
Gulat na reaksiyon din ni Bianca Manalo, "Shucks!!!!!!!! Kala ko!!!!!!!"
Ito naman ang komento ni KC Concepcion nang makita ang lambingan video nina Jake at Kylie:
December 2018 nang unang mapabalita ang pagkakamabutihan nina Jake at Kylie habang sila ay magkatrabaho sa ABS-CBN afternoon series na Los Bastardos.
Pero siyam na buwan muna ang lumipas—noong September 19, 2020—saka lamang kinumpirma ni Jake na magkasintahan na sila ng beauty queen-turned-actress.