Ipinagdiwang ni Kim Domingo ang kanyang birthday sa pamamagitan ng pagdalaw sa puntod ng kanyang guy best friend na si Angelo Fango.
Nitong Miyerkules, February 3, ipinagdiwang ng Kapuso actress ang kanyang 26th birthday.
Nang araw na iyon, nag-post si Kim sa Instagram ng photo niya habang bitbit ang isang bouquet ng pink roses.
Sa caption, pinasalamatan ni Kim ang lahat ng nagpaabot ng birthday greetings sa kanya.
Pero ngayong Biyernes ng hapon, February 5, ipinost ni Kim sa Instagram Story ang isang bahagi ng kanyang birthday celebration.
Iyon ay ang litrato ng pagdalaw niya sa puntod ni Angelo.
“FIRST BIRTHDAY WITHOUT YOU”
Sa picture, makikitang inalayan ni Kim ng bulaklak at kandila ang puntod ng matalik na kaibigan.
Nagbitbit din ang aktres ng chicken at spaghetti, isang bottled water, at isang malaking bote ng beer.
Ramdam ang emosyon ni Kim sa caption, nang sabihin niya kay Angelo na nagdiwang siya ng “first birthday without you.”
Mensahe pa ni Kim sa kanyang best friend (published as is): “Hindi kumpleto birthday ko dahil wala ka [crying emoji]…
“but i know masaya ka na at palagi mo kami binabantayan [smiling emoji]
“I miss you so much!
“Love you bes! @zach_gelzz”
A TRIBUTE POST FOR ANGELO
August 2020 nang pumanaw si Angelo sa edad na 32.
Sa tribute para kay Angelo na ipinost ni Kim sa Facebook noong August 20, 2020, sinabi ng aktres na matalik niyang kaibigan si Angelo simula 2010.
Kasa-kasama raw niya lagi si Angelo kahit noong nagsisimula pa lang siya sa pag-aartista.
Kaya naman ganoon na lang daw kasakit para kay Kim ang biglaang pagpanaw ng kanyang best friend, na dinala pa niya sa ospital noong gabi bago ito bawian ng buhay.
Sakit sa baga ang ikinamatay ni Angelo.
“Napakasakit!” bungad ng post noon ni Kim para kay Angelo.
“NO ONE WILL EVER REPLACE YOU, NO ONE!
“Ikaw pa din ang nag-iisa kong best friend.
“Wag mo na ako isipin kaya ko to! Naging strong din ako dahil sayo.
“From now on ikaw na ang magiging GUARDIAN ANGEL ko.”