Labis na pagkabalisa at pagkabagabag ng damdamin ang dahilan ng Queen of R&B na si Kyla kaya binura niya ng tatlong araw ang kanyang Facebook at Instagram accounts.
Sa kanyang Instagram kagabi, January 26, sinabi ng ASAP Natin ‘To mainstay na naaapektuhan siya ng mga nakikita niyang posts sa social media na nakadagdag sa kanyang anxiety.
Ipinaliwanag ng singer na tuwing binubuksan niya ang kanyang social media accounts, nakikita niyang ipinagyayabang ng iba ang achievements nila, mga bagong proyekto, at travel photos ngayong limitado ito dahil sa COVID-19 restrictions.
Dahil daw rito, ikinukumpara ni Kyla ang sarili sa mga ito. At hindi raw ito nakabubuti sa kanya.
Saad ni Kyla (published as is), “I deleted my IG and Fb 3 days ago. I felt like it was adding to my anxiety.
“It’s nice to post pictures of your achievements and stuff like that- and get recognized for it.
“But i just feel like everytime i would open it, someone is passively bragging about an accomplishment, travelling at this time when we can’t travel, getting new projects, etc.
“It’s led me to always compare myself to others. And it’s not good for me.”
“TAKE CARE OF YOUR MENTAL HEALTH”
Matapos daw ang tatlong araw, nagsimula ulit siya sa pagbuo ng account sa social media.
Hindi raw kasi niya natagalan ang inatang sa sariling social media diet dahil kailangan niya ito para makokonekta sa kanyang mga kapamilya.
“But anyways, it’s back after 3 days. Guess i couldn’t last more than a week doing this social media diet.
“I had to download it again, just to connect with my family.”
Sa huli, hinikayat ni Kyla ang makakabasa ng kanyang post na ingatan ang kanilang mental health.
“Take care you guys. Take care of your mental health as well. Sending you love and light.”
View this post on Instagram
Sa comments section, nagpaabot naman ng kanilang suporta sina Jona, Erik Santos, Jolina Magdangal, Maricar Reyes, at Janno Gibbs.
