Engaged na ang Kapuso actress na si Glaiza de Castro, 32, sa Irish boyfriend niyang si David Rainey, 31.
Nasa Ireland ngayon si Glaiza dahil doon siya magse-celebrate ng Pasko at Bagong Taon, kasama ang pamilya ni David.
Inanunsiyo ni Glaiza ang kanyang engagement ngayong bisperas ng Pasko, December 24 (oras sa Pilipinas), sa pamamagitan ng Instagram.
Nauuna ang Pilipinas ng walong oras sa Ireland.
Sabi ng Kapuso actress sa kanyang caption, “Who would’ve thought I’d say yes in freezing cold weather.
"...it just felt right. (sparkling wine, Christmas tree, ring emojis)”
View this post on Instagram
Sinamahan niya ang kanyang post ng apat na larawan kung saan makikita ang engagement ring niya.
Kinakiligan naman ito ng maraming celebrities, kabilang na ang best friend ni Glaiza na si Angelica Panganiban.
Pati na sina Jasmine Curtis Smith, Solenn Heussaff, Iza Calzado, Bea Binene, Jolina Magdangal, Khalil Ramos, Yeng Constantino, at iba pa.
GLAIZA-DAVID RELATIONSHIP
Mahigit dalawang taon na ang relasyon nina Glaiza at David.
February 2019 nakilala ni Glaiza ang buong angkan ni David nang magbakasyon siya sa England para sa 30th birthday ni David.
Kuwento niya noon, “Na-meet ko na yung family niya kasi nung nag-celebrate ng birthday yung twin niya sa England.
"May twin sister siya. It’s a big birthday. 30th birthday nila.
“Supposedly, isu-surprise ko siya. But since I was only given a limited time to be there, sinabi ko na eventually.
“Yung mga pamilya niya talaga, ‘Oh my god, we’re so happy that you’re coming.'”
Nitong 2020 naman, bumisita sa Pilipinas si David at inabutan siya ng enforced quarantine sa Baler, Aurora.
Pansamantalang nanirahan si David sa bahay nina Glaiza sa Aurora, kung saan may bed and breakfast business ang Kapuso star.
Nang kumustahin kay Glaiza si David ng 24 Oras reporter na si Aubrey Carampel, sagot ng 32-year-old Kapuso actress, "Parang mas lokal pa siya kaysa sa 'kin.
"Namamalengke siya, naggo-grocery siya...”
Mabilis daw na nakapag-adjust si David sa buhay sa Pilipinas.
Sa isang panayam, sinabi ni Glaiza na si David mismo ang nangulit sa kanyang makilala ang mga magulang nito.
Saad Glaiza, “Well, kasi siya yung nag-initiate na ma-meet yung parents ko. Sabi ko, ‘Talaga ba?’”
Noon daw napatunayan ni Glaiza na talagang sincere ang pagmamahal ni David sa kanya.
Sabi pa niya, “Dun mo makikita na, ‘Ay, itong tao na ito, walang itatago.'
"Kahit hindi marunong mag-Tagalog yung tao, nag-exert siya ng best niya to communicate sa family ko.”
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika