Naging prangka ang director general ng Film Academy of the Philippines (FAP) na si Vivian Velez sa kanyang sagot kung kamusta na ang relasyon nila ni Liza Diño.
Si Liza ang chairperson ng Film Development Council of the Philippines (FDCP).
May kalituhan kasi kung ano ang sakop at kapangyarihan ng dalawang ahensiya ng gobyerno na may kinalaman sa Philippine movie industry.
Dahil dito kaya nagkakabanggaan ang dalawang pinuno ng kani-kanilang ahensiya at parehong appointee ni President Rodrigo Duterte.
Ayon kay Vivian, “Ang FDCP kasi, FAP is a voting member, Film Academy is part of the board, or should I say part of the council. So, ex-officio member kami ng FDCP.
"And under that mandate of FDCP, it is the council who is supposed to do the policies and nag-i-implement lang ang chairman o ang president.
“So, siya yung implementing [body]. Kami yung supposed to be as council ang nag-aano ng policy.
“So, nung ako na yung nakaupo sa FDCP as council, I have to be honest, medyo nagbabanggaan kami ni Liza Diño, okay.
“Nagbabanggaan kami in terms of how she’s running the agency.
“And not for anything else, it’s because of my job.
"As I was saying, it’s nothing personal 'coz she is a good friend. Ice [Seguerra] is a good friend," pagbanggit niya sa partner ni Liza.
Diin ni Vivian, “It is really nothing personal but it’s a job that I need to do.”
FDCP BUDGET
Binanggit din ni Vivian ang tungkol sa pagkabalam sa pag-apruba ng budget ng FDCP dahil marami raw nais malaman si Senate President Vicente Sotto III.
Aniya, “So, merong lumabas kasi, si Tito Sen sa Senate, in fact na-hold ata ang budget ng FDCP 'coz of a lot of questions na, like, for instance, the approval of the IRR [Implementing Rules and Regulations], which I did not approve of. 'Tapos yung mga ayudas na supposed to be na ibibigay.
“They questioned that.”
Kinukuwestiyon din daw ni Vivian kung bakit madalas nasa abroad si Liza.
Saad niya, “May nakukuha ba ang Pilipinas? Hindi ba dapat somehow yung pera is there, kokonti, hindi ba dapat itulong na lang namin in terms of the craftmanship na ginagawa ng filmmakers?
“Kasi, ano yung ibinebenta mong produkto? Kung yung produktong ibinebenta mo is not a good product...
"So, I think, for me, ayusin mo muna kung ano yung ibebenta mo abroad, kasi what is the use of selling something not effective?”
Paglilinaw ni Vivian, hindi niya minamaliit ang mga ginagawa ng Filipino filmmakers sa bansa. Marami raw magagaling na filmmakers sa atin.
Nakausap ng piling press si Vivian sa isang Zoom conference noong Sabado, December 12, kaugnay sa idadaos na Luna Awards.
Mapapanood ito online at sa UNTV Channel 37, 7 p.m., sa Biyernes, December 18.
THE CRYPTIC POST
Noong nakaraang linggo, isang cryptic post ang ibinahagi ni Vivian sa kanyang Facebook account.
Sabi nito sa post, "Unti-unti na bang namumulat ang aking mga mata? Sa mga pangakong napako!? Sayang ang pagod at malasakit."
Marami ang nag-akalang ang tinutukoy ni Vivian ang pagbawi ng suporta kay Pangulong Duterte. Kilalang masugid na tagasuporta ni Duterte o DDS ang aktres.
Nilinaw ni Viviana ng tungkol sa panayam sa kanya ng press.
Saad niya, “Out of frustration also because, unang-una, it was kinda personal also 'coz, actually yung Meralco, galit na galit ako, inis na inis ako sa Meralco.
“Kasi ang daming niloloko ng Meralco. I said it naman there. Sabi ko, 'Bakit tahimik ang ERC [Energy Regulatory Board], bakit tahimik ang DOE [Department of Energy]?'
“I mean, you could just imagine, I don’t know if anyone of you here have experienced that. But definitely, I mean ako mismo, can you imagine my bill, I was just averaging like 15,000 or 16,000 because I’m not in my house all the time.
“Kasi may bahay pa ako sa Pampanga, so I go back and forth, 'tapos in one month naging P47,000! How could that be?
“Aside from that also, because of my federalism kasi, wala namang nangyayari dun, you know. Maraming mga ganung ano.
"Sabi ko nga ano, ‘Hindi naman ako bulag. I was supporting some people, I was supporting mga taong dapat supposed to be nakakapitan natin sa government.’
“Disappointed. I’m disappointed.
"But I still support the President, of course. He is the duly elected president.
“And he is doing what he can, ginagawa naman niya kung ano 'yang dapat niyang gawin.
“I guess, he is not superman to fix everything.”
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika