Proud na proud si Daniel Padilla sa girlfriend niyang si Kathryn Bernardo.
Kabilang si Kathryn, 24, sa pitong Pilipinong napabilang sa taunang 100 Digital Stars List ng Forbes Asia na inanunsiyo nitong Martes, December 8.
Bukod kay Kathryn, kasama rin sa tinaguriang “Magnificent 7” sina Sarah Geronimo, Anne Curtis, Vice Ganda, Marian Rivera, Angel Locsin, at Kim Chiu.
Napabilang sa listahan ng Asia-Pacific’s Most Influential Celebrities on Social Media si Kathryn dahil sa pagbibida niya sa dalawang highest-grossing films ng Pilipinas, ang The Hows Of Us noong 2018 at Hello, Love, Goodbye noong 2019.
Ang longtime reel-and-real life sweetheart na si Daniel, 25, ang katambal ni Kathryn sa The Hows Of Us.
Ang Kapuso superstar na si Alden Richards naman ang kasama ni Kathryn sa Hello, Love, Goodbye.
Nasa “$20 million” ang kinita ng dalawang nabanggit na blockbuster movies, ayon sa Forbes Asia.
Dahil sa kanyang pagganap sa Hello, Love, Goodbye, hinirang si Kathryn bilang Film Actress of the Year at Phenomenal Star of Philippine Cinema sa Box Office Entertainment Awards noong Oktubre.
“THAT’S WHAT I’M TALKIN ABOUT”
Sa Instagram Story ni Daniel nitong Miyerkules, December 9, ibinahagi niya ang screenshot ng artikulo ng Forbes Asia tungkol kay Kathryn.
Caption dito ni Daniel: “That’s what i’m talkin about.”
Sa Instagram post ni Kathryn nitong Martes, sinabi nitong itinuturing niyang karangalan ang mapahilera "alongside people who put their influence to good use, especially in these trying times where the digital platform plays a huge role in raising awareness and promoting positivity.”
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika.