Nagkaisa ang maraming celebrities sa mundo ng showbiz sa pagpapahayag ng encouraging messages, pati na rin dasal, para kay Zoey Taberna.
Si Zoey, 12, ang panganay sa dalawang anak ng broadcaster na si Anthony "Ka Tunying" Taberna at ng asawa nitong si Rossel Taberna.
Na-diagnose na may leukemia si Zoey noong December 2, 2019.
Kahapon, eksaktong isang taon mula nang malaman ng pamilya ang karamdaman ni Zoey, nagbahagi si Anthony ng mahabang post sa Instagram at Facebook sa pinagdadaanan ng kanyang panganay.
Pumayag na rin si Zoey magpakalbo dahil nalalagas na ang buhok nito dulot na rin ng epekto ng chemotheraphy, bilang bahagi ng proseso sa paggagamot sa kanyang sakit.
Ayon sa DZRH anchor, akala niya ay malakas siya at matibay, ngunit marupok daw siya pagdating sa pinagdadaanan ng anak.
MESSAGE OF SUPPORT FROM CELEBRITIES
Sa nasabing post, bumuhos ang simpatiya ng celebrities para kay Zoey.
Kabilang na rito si Miss Universe 2015 Pia Wurtzbach.
Mensahe ni Pia, “Unless I am mistaken Ive never met your baby girl before but please pass my munting message that I admire her for her strength.
“Kahanga hanga yung lakas ng loob nya na harapin ang pagsubok na to ng buong tapang.
“Magpagaling ka Zoey. In Gods grace po malalampasan nyo rin ito.”
Tumugon naman dito si Anthony. Ipinaabot niya sa anak ang mensahe ni Pia, at tuwang-tuwa raw si Zoey.
Aniya, “Maraming salamat Ma’am. I have just told Zoey about your message and it made her very happy.”
Sumagot din si Zoey sa mensahe ni Pia.
Saad niya, “thank you so much po.”
Mensahe naman ng Kapamilya singer na si Darren Espanto, “Stay strong Zoey! God bless you!”
“thanks so much. Zoey is a big fan,” tugon ni Anthony sa kanya.
Saad naman ni Zoey, “thank you po.”
Tatlong praying hands at heart emojis naman ang komento ni Vhong Navarro sa post ni Anthony.
Sagot ni Anthony, “salamat sayo Brother!!”
Mensahe naman ni Marlo Mortel, “God bless you Zoey! You are an inspiration.
“Stay strong and always remember that God is our ultimate healer.
“Keep fighting a good fight of Faith. He hears our prayers.”
“Maraming salamat Bro. Mag iingat ka palagi,” tugon ng Dos Por Dos host kay Marlo.
Sabi naman ni Zoey, “thank you po.”
Mensahe ni Melai Cantiveros, “Ate Zoey galing naman.”
Ani Anthony, “Tenchu Momshie Melai.”
Sa ngayon, patuloy pa ring nakikipaglaban si Zoey sa karamdamang leukemia pero unti-unti na raw itong bumubuti.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika.