“Super willing” si Heart Evangelista na maging tour guide ng BLACKPINK member na si Lisa Manoban.
Excited na nagprisinta ang 35-year-old actress-fashion icon na ipasyal sa Sorsogon ang isa sa apat na miyembro ng pinakasikat na Korean all-girl group.
Ito ay matapos sabihin ng 23-year-old Thai singer-rapper-dancer na gusto niyang lumangoy kasama ang mga whale sharks kapag bumisita siyang muli sa Pilipinas.
Ang whale shark interaction ay isang tourist attraction sa bayan ng Donsol sa Sorsogon.
Si Heart ang tumatayong First Lady ng lalawigan, bilang misis siya ni Sorsogon Governor Francis “Chiz” Escudero.
LISA WANTS TO SEE THE CHOCOLATE HILLS
Sinabi ni Lisa ang interes niyang makihalubilo sa whale sharks, sa isang sit-down interview para sa iniendorso niyang clothing brand.
Linggo, November 29, nang kumalat sa social media ang video clip ng panayam na ito kay Lisa.
Sa interview, sinagot ni Lisa ang tanong ng isang fan kung interesado raw ba siyang bumisita sa Pilipinas?
Kung sakali, anu-anong mga lugar daw sa Pilipinas ang pupuntahan ng BLACKPINK member.
“Oh, actually, I have two places that I want to go, want to visit,” sagot ni Lisa.
“First, the Chocolate Hills. It is like several hills that look like chocolate because of its color, it’s not green.”
Ang popular na Chocolate Hills ay matatagpuan sa probinsiya ng Bohol.
SWIMMING WITH THE BUTANDING
“And then I want to go to the place where you can snorkel with shark whales,” dagdag ni Lisa, tinukoy ang mga butanding ng Donsol.
“That's so cool where you can actually swim together with shark whales.
“That’s really cool. So, I really want to visit there,” excited na sabi ni Lisa.
February 2019 nang magtungo sa Pilipinas ang K-pop group ni Lisa para sa BLACKPINK 2019 World Tour (In Your Area).
Ginawa sa Mall of Asia Arena sa Pasay City, iyon ang unang beses na nag-concert ang BLACKPINK sa bansa.
FIRST TIME IN THE PHILIPPINES
Sa interview, ikinuwento ni Lisa na noong panahong iyon, sinabi na niya sa kanyang manager na gusto niyang lumangoy kasama ang mga whale sharks.
Sabi ni Lisa: “Last time I went to Philippines, to do the tour, I told my manager that I really want to go… to swim with shark whales.”
Sagot daw ng manager ni Lisa: “That’s kind of… it’s hard to go there. Maybe next time.”
Natatawang nag-suggest ang interviewer na maaaring matulungan si Lisa ng iniendorso niyang clothing brand upang mabigyang-katuparan ang pinapangarap niya.
Napangiti at nabuhayan ng loob si Lisa, sabay baling sa camera.
Natatawang pakiusap ni Lisa: “Please? I really want to go swim with shark whales.”
TOUR GUIDE HEART
Nitong Martes ng umaga, December 1, isang Pinoy BLACKPINK fan ang nag-tweet ng screenshot ng interview ni Lisa tungkol sa kagustuhan nitong makaranas ng whale shark interaction.
Tinag ng fan ang aktres na si Heart Evangelista sa tweet na ito.
Caption ng fan (published as is): “gusto raw po ni Lisa makapag-interact with whalesharks [smiling face with heart eyes emoji] bekenemen po. [blushing emoji]”
Ramdam ang sobrang excitement sa reply ni Heart.
Gumamit ang aktres ng ilang Bicolano words at ng #MahalKongSorsogon sa sagot niya sa fan.
Tweet ni Heart: “Omg ... super willing ako tabi mag tour guide ! Padabaaaaaa Lisa [loudly crying, smiling face with three hearts, smiling face with heart eyes emojis] #MahalKongSorsogon”
Ang “tabi” ay katumbas ng please sa mga Bicolano. “Minamahal” naman ang ibig sabihin ng “Padaba.”
Bukod kay Lisa, miyembro rin ng BLACKPINK sina Jenny Kim, Roseanne Park, at Kim Ji-soo.
Pinasikat nila ang mga kantang “Ddu-Du, Ddu-Du,” “Forever Young,” “Kill This Love,” “How You Like That,” at maraming iba pa.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika.