Dalawang taon na ang relasyon ng beauty queen-turned-actress na si Bianca Manalo, 32, at ni Senator Sherwin Gatchalian, 46.
Kahapon, November 18, ipinagdiwang ng dalawa ang kanilang pangalawang anibersaryo.
Sa Instagram, ibinahagi ng Ang Probinsyano actress ang larawan nila ng mambabatas na magkayakap.
Sabi niya sa caption, “Happy 2nd Anniversary.”
Kasunod na ipinost ni Bianca ang dalawang larawan kung saan hawak-hawak niya ang buslo ng mga pulang rosas.
Caption niya, “Thank you for the flowers, babe.”
Sa comments section, nagpaabot ng pagbati kay Bianca ang ilang celebrity friends niya, kabilang si Senator Joel Villanueva, at ng ilang followers.
BIANCA-SHERWIN RELATIONSHIP
Nobyembre 2018, unang namataan ng netizens na magkasama sina Bianca at Senator Gatchalian.
April ng kasunod na taon, may mga lumalabas na litrato sa social media kung saan mukhang nagdi-date ang dalawa.
Hunyo ng taong 2019, sa Hong Kong naman sila spotted habang nagbabakasyon.
Pero hindi nagpu-post si Bianca ng mga larawan nila sa kanyang social media accounts.
Unang nag-post si Bianca ng larawan nila ng senador noong October 10, 2019 kung saan magkasama silang dumalo sa 50th birthday celebration ni Sorsogon Governor Francis “Chiz” Escudero.
Nakalagay sa caption ni Bianca sa larawan nila ng senador: “This thing called love.”
Kinumpirma ni Bianca ang relasyon nila ni Senator Gatchalian noong November 20, 2019 dahil sa post nito tungkol sa kanilang unang anibersaryo.
Mensahe ng Ang Probinsyano actress: “Imagine being loved the way you love.”
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika