Ginunita ni Claudine Barretto ang unang anibersaryo ng kamatayan ng amang si Miguel Barretto kahapon, October 15.
Sa mga ibinahaging larawan ni Claudine, makikitang kasama niya sa pagdiriwang ang inang si Inday Barretto, kapatid na si Jay-Jay Barretto, at ilang kaanak.
Sabi niya sa caption, “1st year Death anniversary of my Dad.
“we terribly miss u Dad. its been 1year already & its hurts more & more each day.
“we luv u Daddy,forever & always, jjbarretto.”
Walang post sa Instagram si Gretchen Barretto ukol sa kamatayan ng ama.
Pero nagkomento siya sa post ni Claudine.
Unang komento ni Gretchen, “Hello my family.”
Nangako siyang sasama sa mga kapamilya sa ibang pagkakataon.
Sabi niya (published as is): “Ill join you next time.”
Sa hiwalay na Instagram post, ang pamangkin nilang si Julia Barretto ay nagbahagi ng mensahe para sa namayapang lolo.
Maiksing caption niya, “One year in heaven ???? I love you so much 9/29 you are in my thoughts everyday and I miss you so so much.”
Kahapon, October 15, nauna nang inalala nina Marjorie at Dani Barretto ang death aniversay ni Miguel.
THE FEUD AT THE WAKE
Hindi makakalimutan ng tao ang kamatayan at burol noon ng Barretto patriarch dahil sa gulong nangyari sa Heritage Memorial Chapels sa Taguig City.
Noong gabi ng October 16, 2019, nagkaroon ng engkuwentro ang magkakapatid na Gretchen, Marjorie, at Claudine sa lamay.
Magkakampi noon sina Gretchen at Claudine laban kay Marjorie.
Nadamay sa gulo ang anak ni Jay-Jay na si Nicole nang pigilan umano nito si Gretchen na hablutin si Marjorie.
Nang sumunod na gabi, October 17, 2019, balitang nagkasakitan naman ang magkapatid na Marjorie at Claudine.
Diumano, dawit sa kumprontasyon ang anak ni Marjorie na si Julia.
still divided?
Hanggang ngayon, tila hindi pa rin naayos ang gusot nina Gretchen at Claudine laban kay Marjorie.
Sina Gretchen, Claudine, at Jay-Jay ang mahihinuhang may patuloy na komunikasyon.
Mukhang maayos din ang relasyon ni Gretchen sa inang si Inday mula nang magkapatawaran sila noong nakaraang taon.
Naulila ni Miguel Barretto ang kanyang maybahay na si Inday.
Pito ang kanilang mga anak—sina Mito, Michelle, Jay-Jay, Gia, Gretchen, Marjorie, at Claudine.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika