Nananatiling tikom ang bibig ni Jodi Sta. Maria, 38, sa nabistong relasyon nila ng aktor na si Raymart Santiago, 47.
Sa kanyang panig, one-liner lamang ang mga binibitawang salita ni Raymart ukol sa namumuong magandang ugnayan nila ni Jodi.
Aniya sa PEP Troika, “Hindi naman kami KathNiel o LizQuen. Kung ano man yung inilabas niyo, yun na ‘yon. Masaya lang lahat.”
Pero bago pa man malantad sa publiko ang kanilang relasyon kahapon, September 30, nag-post si Jodi sa Instagram ukol sa “love” noong September 25.
Mahahalata sa cryptic message na mukhang in love ang Kapamilya actress.
Panimula ni Jodi, “Loving is a choice. It’s not all about enjoyment but takes sacrifice and maturity.”
Dagdag pa niya, kapag pinili mong mahalin ang isang tao, ibig sabihin nito ay tanggap mo ang mga kamalian nito.
Saad niya, “Choosing to love someone means you understand that they will have faults.
“There’ll be tough times for sure but if your love is true and strong you will conquer it all.”
“NOT AN EASY TASK”
Hindi rin daw madaling pumili ng taong mamahalin mo.
May proseso raw itong pagdadaanan, kasama na ang kaunting pag-a-adjust na makakatulong sa pag-unlad ng mga taong nagmamahalan.
Sa kanyang sariling mga salita, “Choosing to love someone is not an easy task. It involves assessing and seeing what changes you need to make to help each other grow.”
Kapag ikaw ay nagmahal, kasama na rito ang sandamakmak na sakripisyo at pag-intindi sa isa’t isa upang maging kapaki-pakinabang sa magkarelasyon ang resulta.
Pagtatapos ni Jodi, “When you love, you journey with that person, it will require tons of patience and understanding and some adjustments, it may test you but in the end you will find it is worth everything.
“Love is the most important thing we can share with someone. #munimunimode”
Nalantad ang relasyon nina Jodi at Raymart nang naglabasan ang sweet photos nila na kuha raw sa isang private place sa Alabang.
Inamin naman ni Raymart sa PEP Troika na may relasyon na nga sila ng aktres.
2016 naghiwalay si Jodi at ang huling boyfriend nitong si Jolo Revilla.
2018 naman lumutang ang relasyon ni Raymart sa Ayala executive na si AC Legarda.
Matagal na rin silang hiwalay sa kanilang mga asawa—si Jodi kay Pampi Lacson at at si Raymart kay Claudine Barretto.
***
Shopping online? Enjoy promos and discounts using this Lazada voucher.