Hiwalay na ang aktres na si Rhian Ramos sa negosyanteng Israeli na si Amit Borsok.
At hindi naging madali para sa 29-year-old Kapuso star ang pagtatapos ng mahigit isa at kalahating taong relasyon nila ng nobyo.
Sa katunayan, ang matinding breakup ni Rhian kay Amit ang isa sa mga dahilan sa likod ng pagbaba ng timbang ng aktres.
Ito ang inamin ni Rhian sa kanyang latest vlog nitong Huwebes, September 24.
Sa vlog, ikinuwento ni Rhian ang tunay na dahilan ng kanyang pangangayayat.
Ang weight loss kasi ng aktres ang lagi nang napapansin ng mga nagkokomento sa kanyang Instagram posts sa nakalipas na mga linggo.
Sa isang TV interview kay Rhian nitong September 22, itinanggi ng aktres ang suspetsa ng netizens na mayroon siyang eating disorder.
Aniya, “stress” ang totoong dahilan ng kanyang pagpayat.
THE BREAKUP
“Many, many things have changed since the last time you saw me which was probably the apartment tour,” bungad ni Rhian.
Tinukoy ni Rhian ang vlog na in-upload niya nitong August 15, kung saan inilibot niya ang netizens sa inuupahang condo unit sa Taguig City.
“I gave a little look at the condo while we were moving out.
“And somehow, inside of that moving-out period… I went through a breakup,” pagbubunyag ni Rhian habang pinipilit ang isang ngiti.
January 30, 2019 nang maging nobyo ni Rhian si Amit, isang Israeli businessman na taga-Los Angeles, California, pero pansamantalang naninirahan sa Pilipinas.
Taong 2018 nang nagkakilala ang dalawa sa isang event bago nagtungo sa New York City si Rhian para mag-aral.
Ngayong taon, sa condo ni Rhian sa Taguig inabutan ng quarantine si Amit.
Nag-celebrate pa sila ng birthday ni Amit noong May 20, kung saan nagpahayag ang aktres ng panghihinayang na hindi niya maipasyal ang nobyo sa espesyal na araw nito.
Sa kabuuan ng latest vlog ni Rhian, hindi niya binanggit ang dahilan kung bakit sila nagkahiwalay ni Amit.
HEARTBROKEN RHIAN “REALLY HAD A HARD TIME”
Aminado ang Kapuso actress na labis siyang naapektuhan sa kanilang breakup.
Pinalala pa raw iyon ng iba pang stressful na bagay na nangyari sa kanyang buhay noong mga panahong iyon.
Pag-amin ni Rhian: “It was so hard, I really had a hard time, guys.
“And not just 'cause I was, like, brokenhearted and, like, shattered, but other things in my life were giving me a lot of stress.”
Bagamat sa pagkakabanggit ni Rhian ay marami pang ibang stressors ang iniintindi niya habang nagmu-move on sa breakup, isa lang sa mga ito ang kanyang ikinuwento.
Iyon ay ang hindi muna niya makakasama sa isang bahay ang inang si Clara Ramos kapag nagbalik-trabaho na siya.
“I realized that I had to start working again and I couldn't live in Alabang with my mom,” ani Rhian. “Because I don't want to expose her to anything that I'm exposed to.”
“MY BODY BASICALLY STARTED EATING ITSELF”
Sa harap ng patung-patong na pagsubok na hinarap ni Rhian ilang linggo lang ang nakalipas, napabayaan daw ng aktres ang kanyang sarili.
Kuwento ni Rhian, maghapon at magdamag lang siya noong nakahiga sa kama pero hindi naman siya nakakatulog nang maayos.
Hindi rin daw niya magawang kumain—kaya naman umabot sa fifteen pounds ang nabawas sa kanyang timbang.
Nagbalik-tanaw si Rhian: “Now, looking back, I really could have taken care of myself.
“I was in so much pain and under so much stress and I wasn't getting out of my bed.
“I wasn't sleeping right.
“I couldn't eat. Nothing tasted like anything.
“I was under so much stress that my body basically started eating itself.
“And now, everyone thinks that I did this to myself on purpose,” ani Rhian, tinukoy ang kanyang pangangayayat.
“But I really didn't. I was just having a really hard time,” pag-amin pa ng aktres.
A PROMISE TO TAKE CARE OF HERSELF
Tiniyak naman ni Rhian sa kanyang fans na mas maayos na ang lagay niya sa ngayon.
Bagamat hindi pa siya lubusang nakaka-move on sa mga nangyari, tanggap daw ng aktres na kailangan niyang pagdaanan ang lahat ng ito.
“I am gonna be okay,” maganda ang pagkakangiting sabi ni Rhian. “In my own time.
“It’s just important that I process these things for myself now. So that I won’t take them with me in the future.”
Nangako si Rhian sa kanyang fans na aalagaan na niya ang sarili anuman ang mangyari.
“I promise I’m gonna do my absolute best to make sure I am taking care of myself in every way,” aniya.
TRYING HER BEST TO GET BETTER
Idinetalye rin ng aktres ang mga ginagawa niyang hakbang patungo sa kanyang healing.
“I’m doing Bible studies twice a week.
“I’ve been eating three meals a day.
“And I’ve been sleeping consistently every night for at least five hours, six hours,” pagbabalita ni Rhian.
Sa huli, pinaalalahanan ni Rhian ang kanyang fans na laging maging mabuti sa kapwa, dahil lahat naman daw tayo ay may kani-kanyang pinagdaraanan.
“Remember to be nice, 'cause you'll never really know what someone's going through.
“Just think that everyone around you, just like yourself, is trying their best,” dagdag ni Rhian.
Kasunod nito, inulan ng mensahe ng suporta at pagmamahal si Rhian mula sa libu-libong netizens.
Para kay Rhian, pinag-trending ng Twitter users nitong Huwebes ang #WeLoveYouRhian at "SALAMAT RHIAN."
Marami ang napahanga sa tapang na ipinakita ni Rhian sa pag-amin sa kasalukuyan niyang pinagdaraanan.
Hangad nilang tuluyang bumuti ang kalagayan ng Kapuso actress sa lalong madaling panahon.
May handang makinig at tumulong sa mga taong dumaranas ng anxiety at depression.
Tumawag sa mga hotlines ng The Hopeline Project sa (02) 8804-HOPE (4673), sa 0917 558 HOPE (4673), o sa 2919 (toll-free number sa lahat ng Globe at TM subscribers).
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika