Kinumpirma ni Ciara Sotto na dito na sa Pilipinas naninirahan ang Filipino-American boyfriend niyang si Ian Austin.
Aniya, dati pang nakabase dito ang mga magulang ni Austin, at ang binata lang ang mag-isang nanirahan noon sa Las Vegas.
May farm ang pamilya ni Ian sa Pampanga, at huling punta roon ni Ciara ay noong December pa.
Nakapanayam si Ciara ni Jimpay Anarcon, senior staff writer ng PEP.ph (Philippine Entertainment Portal), sa PEP Live kahapon, July 7.
Magkalayo ba ang bahay nina Ciara at Austin?
Sagot ni Ciara, "Hindi kami magkalapit ng bahay. Nasa Pasig siya, Quezon City ako."
Kaya raw pakiramdam ni Ciara ay nasa long-distance relationship ulit sila ni Ian nang ipatupad ang ECQ, mula March 15 hanggang May 30, sa Metro Manila.
Ilang buwan ding hindi nagkita ang magkasintahan tulad ng ibang couples.
LDR FEELS
Kaya nanumbalik sa kanya yung panahong long-distance relationship pa sila ni Ian.
Kuwento ni Ciara, "Actually, para kaming LDR nung quarantine. Puro video call, text, sendan ng pictures.
"Although medyo sanay kami dun kasi he used to live in Las Vegas, so for a while LDR talaga kami.
"Bumalik lang kami dun for three months nung nag-ECQ."
Sumunod daw talaga sila sa protocol dahil kung hindi ay maa-"award" daw siya ng kanyang ama na si Senate President Vicente "Tito" Sotto III.
Ngayon ay nakakapagkita na rin daw sila kahit papaano.
"Okay naman. Finally, after three months nagkita kami. Nung GCQ, nakapag-visit na siya.
"Now that we see each other, he'd bring us food, order food for us.
"Kasi mahilig kami kumain. For me, important ang pagkain. Matakaw kami pareho!" natatawang saad ni Ciara, na sa edad na 40-anyos ay napanatili ang slim physique.
CIARA'S SURPRISE BIRTHDAY
Nakasama ni Ciara si Ian nang magdiwang ang aktres ng 40th birthday niya noong July 2.
Sa kanyang Instagram posts, makikita na dinalhan siya ng malaking bouquet of flowers ni Ian.
Naroon din ang kapatid niyang si Gian Sotto at asawa nitong si Joy. Nagpatulong si Ian kay Joy para matupad ang surprise celebration sa bahay ng aktres.
Hindi rin maitatanggi sa mga litrato ang magandang relasyon sa pagitan ni Ian at anak ni Ciara na si Crixus.
Si Crixus ay four-year-old son ni Ciara sa ex-husband na si Joe Oconer.
Paglalarawan pa ni Ciara kina Ian at Crixus sa PEP.ph: "Grabe sila! Talagang playmates sila! Crixus loves his company kasi talagang matiyaga siya kay Crixus.
"And he's very very sweet. Ganun din siya, ma-'I love you' siya kay Crixus at sa akin."
Pati raw anak niya ay nahahawa na sa ka-sweet-an ng nobyo.
EFFORTLESS RELATIONSHIP
Masasabi raw ni Ciara na "effortless" ang magandang relasyon sa pagitan ng anak niya at ni Ian.
"For me that's a blessing from God.
"If hindi makasundo ng anak ko yung guy, kung sinuman, kahit hindi si Ian, siyempre parang magdadalawang-isip ako.
"Pero eto, nakikita ko talaga na they get along so well."
Kusang malapit daw talaga ang anak niya kay Ian.
Dagdag ni Ciara, "Hindi ko ituturo. Kasi ayoko ng gano'n na he'll just tell me things I wanna hear. I want my son to be honest."
APPRECIATION POST
Noong June 10, ibinahagi ni Ciara sa pamamagitan ng Instagram post, na nagpapasalamat siya sa Diyos dahil nakatagpo siya ng tunay na pag-ibig kay Ian.
Sabi pa niya, "I don’t remember being this “kilig” with anyone less but him (excuse the cheese haha!)"
Mala-prinsesa raw ang turing sa kanya ni Ian, at higit sa lahat ay napakabuti raw nito sa anak niyang si Crixus.
"Thank you for your sweet ways, I wouldn’t have it any other way.
"Thank you being very loving to Crixus, it makes my heart full seeing him enjoy your company so much!
"I love you Babe!"
Check out Ciara Sotto's full interview on PEP Live here:
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika