“Akala ko the whole time COVID ang kalaban, UP pala!"
Ito ang pang-asar na post ni Luis Manzano kay Presidential Spokesperson Harry Roque ngayong araw, June 30.
Ito ay bilang reaksiyon sa deklarasyon ng tagapagsalita ng Palasyo na natalo ng Pilipinas ang University of the Philippines (UP) forecast sa bilang ng COVID-19 cases pagdating ng June 30.
Saad ni Roque sa kanyang regular press briefing ngayong Martes: "Today is the last day na pala. Ano bang sinasabi ko?
“Wala na po, panalo na tayo! We beat the UP prediction po.
“We beat it so congratulations, Philippines!
“Let's do it again in July,” sabay taas ng kanang kamay nito na sumisimbolo ng pagkapanalo.
Sinabi noon ng UP-OCTA Research Team na baka umabot sa 40,000 ang COVID-19 positive cases ng Pilipinas sa katapusan ng buwan.
As of 4 P.M. ngayong araw, nakapagtala ang Department of Health (DOH) ng 37,514 COVID-19 positive cases sa bansa.
Para kay Roque, isang panalo na hindi umabot sa 40,000 ang COVID-19 cases na naitala ng Pilipinas sa itinakdang buwan.
Dagdag pa ng tagapagsalita ng Palasyo, “So, we are winning.
“As I have said, titingnan natin.
"Declining mortality, yung case doubling rate, and yung positivity rates na patuloy na bumababa.”
"Binati" naman ni Luis ang Pilipinas sa "pagkapanalo" nito.
Simpleng pang-asar na mensahe ng Kapamilya TV host-actor sa Twitter: “Akala ko the whole time COVID ang kalaban, UP pala! Congratulations!!”
Ang comedian na si John "Sweet" Lapus ay hindi rin nakapagpigil ng kanyang emosyon.
Nag-tweet din ito kalakip ang screenshot ng pahayag ni Roque.
Patutsada ni Sweet: “Pataas-taas pa ng kamay. Gaga!”
NETIZENS REACT
Marami ring netizens ang naghayag sa social media ng kanilang pagsalungat sa sinabi ng Presidential Spokesperson.
Sa ngayon, nasa 4th spot si Roque sa top trending topics sa Pilipinas.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika