Respeto.
Ito ang mensahe ni Rita Avila, 52, kaugnay ng nag-viral na sketch ng isang artist kay Angel Locsin bilang matabang Darna.
June 20, ipinost ni Klayton Ramos, isang graphic artist mula sa Bulacan, ang digital painting ni Angel na nakasuot ng Darna costume.
Pero sa halip na sexy Darna, matabang Darna ang illustration.
Ginampanan ni Angel, 35, ang iconic superhero sa Kapuso teleserye noong 2005.
Sinabayan ng controversial sketch ang pag-trending ni Angel matapos kumalat ang mga larawan niya sa social media kung saan kapansin-pansin ang kanyang dagdag na timbang.
May mga kumutya kay Angel, pero mas marami ang nagtanggol sa kanya.
Wala na raw kailangang patunayan pa si Angel, na walang tigil sa pagtulong ngayong may pandemya.
Sabi naman ni Klayton, ipininta niya si Angel bilang matabang Darna para ipahayag na walang pakialam ang aktres sa kanyang hitsura, at ang nais lang nito ay tumulong.
“She is careless about her body as long as she can help other people,” paliwanag ng artist.
RITA AVILA calls out ARTIST
Pero para kay Rita, mali ang ginawa ni Klayton.
Ganito ang katwiran niya: Bagamat maganda ang intensiyon ng artist, dapat ay hiningi muna nito ang permiso ni Angel bago ipinost ang kanyang sketch.
Nakapalitan daw ng mensahe ni Rita ang isang kaibigan ni Klayton.
Ipinost ni Rita ang screenshots ng palitan nila ng mensahe.
Mababasa sa message ni Rita na bagamat walang masamang intensiyon si Klayton, iba ang pananaw rito ng ibang tao.
Bahagi ng mensahe ni Rita: “…in the Philippines, people have a malicious take on body shapes especially to an actress.
“Best if it was shown first to Angel and was asked if she agrees to have it posted.
“D ba, as respect to a lady, we refuse to say directly na ‘ang taba mo'?"
Kapag pumayag daw si Angel, saka na lang sana ipinost ni Klayton ang kanyang obra.
Mababasa namang nagpasalamat ang kaibigan ng artist, at nauunawaan daw nito ang paliwanag ni Rita.
Sa kanyang caption, sinabi ni Rita na wala rin siyang masamang intensiyon sa pagsita sa viral sketch.
“Respect matters,” anang aktres.
Kaya nga raw hindi ni-repost ni Rita ang sketch dahil “I gave respect to Angel and the artist.”
Dugtong ni Rita: “The artist will always have his/her own perception of his work.
“And there will be billions of other perceptions that can bring pain or shame to someone being the subject.”
Pangwakas na mensahe ni Rita kay Angel: “To you, Angel, we give u respect for what you do and what you are.”
Kabilang sa mga hashtag na ginamit ni Rita: #respect, #women, at #bodyshape.
Ni-like ni Angel ang post na ito ni Rita.
Ito ang tanging indikasyong sinasang-ayunan ng aktres ang pananaw ng kaibigang seasoned actress.
Nananatiling tahimik si Angel pagdating sa isyu ng body shaming.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika