Labis na nalungkot si Bacoor City Mayor Lani Mercado sa pagpanaw ng kanyang father-in-law na si Ramon Revilla Sr.
Ilang minuto matapos pumanaw ng nakatatandang Revilla ngayong Biyernes ng hapon, June 26, naghayag ng kanyang mensahe para sa namayapang biyenan ang misis ni Senator Bong Revilla.
Ayon kay Lani, nalampasan na ng kanyang “Daddy” ang pagod dahil nagbabalik-loob na ito sa Diyos.
Matagal na rin kasi itong nakaratay sa banig ng karamdaman.
Mensahe ni Lani: “Paalam Na Daddy...
“Yakapin ka ng mahigpit ng Panginoon.
“Tapos na ang pagod...”
Sa isa pa niyang post ngayong gabi, sinabi ng 52-year-old Bacoor mayor na hinding-hindi niya malilimutan ang biyenan.
Aniya, "Magpakailanman, nakabaon sa aking puso ang magagandang alaala ng pagsasama-sama ng ating pamilya.
"I love you, Daddy.
"Hanggang sa muling pagkikita!"
Pumanaw si Ramon Sr., sa edad na 93, dahil sa heart failure.
SYMPATHY MESSAGES
Nagpaabot naman ng pakikiramay sa mga naiwan ni Ramon Revilla Sr. ang mga beteranang artista na sina Vivian Velez at Elizabeth Oropesa.
Sabi ni Vivian sa kanyang post sa Facebook, “May his soul Rest in Peace... Sen. Ramon Revilla Sr. Condolences Sen. Bong Revilla.
"You and your family are in my thoughts as you grieve this loss. All my love."
Mensahe naman ni Elizabeth Oropesa sa pamilya, "My Condolences to the Revilla Family.
"Rest in Peace Sir Ramon Revilla Sr."
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika