Larawan ng isang masayang magkakaibigan at magkakapamilya ang bonding nina Jodi Sta. Maria, 37, at Iwa Moto, 31, kahapon, June 7.
Kasama ni Jodi ang anak na si Thirdy.
Kasama naman ni Iwa ang anak na si Mimi.
Sina Thirdy at Mimi ay magkapatid sa ama.
Ang kanilang ama ay si Pampi Lacson, na dating asawa ni Jodi at kasalukuyang partner ni Iwa.
Sa Instagram, ibinahagi ni Iwa ang dalawang TikTok videos ng kanilang bonding ni Jodi at ng kani-kanilang mga anak.
Caption ni Iwa sa una niyang post: “Bonding.”
Nagkomento rito si Jodi.
Sabi ng Kapamilya actress: “ayun na pala.”
Hinangaan naman ng netizens ang closeness ng dalawa kahit may pinagdaanan silang away noon.
Sabi ng isang nagkomento sa unang post ni Iwa: “Super mature ng mga taong To.. Napaka sarap sa Mata panoorin. God bless Your Family.”
Papuri ng isa pa: “Ms. Iwa and Ms.Jodi sobrang inspiring ng relationship ninyo... sobrang mahal ninyo mga anak ninyo..”
Sinaluduhan naman ang dalawa ng isa pang netizen: “Rare kind of love. salute both moms. Love is greater talaga.”
“EPIC ITO MADAM”
Sa isa pang TikTok video, hindi na sumama si Thirdy.
Sabi ni Iwa sa caption: “All girls naman”
Komento naman dito ni Jodi: “epic ito madam. next naman yung tiktok kasama ng panganay natin:)”
Sagot ni Iwa, “@jodistamaria sa susunod na bonding natin mas mahirap na tiktok nman daw. thank you ulit for last night. Free food and drinks. May videoke at pa mass testing ka pa!!! Haha”
Dagdag pa niyang biro, “@jodistamaria amor ngayon ko lang napansin. #teamkomang pala tayo ni mimi.”
Pinusuan din ito nina Sugar Mercado at Carla Abellana.
NETIZENS ADMIRE JODI AND IWA
Puro papuri at paghanga pa rin ang komento ng netizens sa pangalawang video na ito ni Iwa.
Ayon sa isa, kahanga-hanga ang maturity ng dalawa.
Ang iba sa kanila ay puro heart emojis lamang ang ikinomento na nagpapatunay sa kanilang kagalakan sa magandang samahan ng dalawang babaeng na-involve sa parehong lalaki.
Hindi ito ang unang pagkakataon na nag-bonding sina Jodi at Iwa kasama ang kani-kanilang mga anak.
May pagkakataon ding kasama nila si Pampi.
Ito ay sa kabila na nagkaroon ng matinding sigalot noon sa pagitan nina Jodi at Iwa.
Pero naging maayos ang kanilang samahan sa pag-inog ng panahon.
Naging malapit si Iwa kay Thirdy, na ngayon ay itinuturing nila ni Jodi na "kanilang panganay."
Samantala, nananatiling single si Jodi matapos ang relasyon nila ni Cavite Vice Governor Jolo Revilla.
(Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika)