Kinilig ang mga celebrity friends at followers ni Sue Ramirez, 23, nang mag-post ang aktres sa Instagram ng larawan nila ng rumored boyfriend na si Javi Benitez, 25.
Nakasulat sa caption ni Sue kahapon, June 2: “Miss making spam sandwiches with you.”
Ito na marahil ang sagot sa maraming tanong ng netizens kung may relasyon na sila ng baguhang aktor.
Tumugon naman si Javi sa post ni Sue.
Komento niya: “Miss you bb. can't wait to cook with you again.”
Sa comments section, naghayag ng pagsang-ayon sa post ni Sue ang mga kaibigan niyang celebrities.
Kabilang sa mga nagkomento sina Liza Soberano, Barbie Imperial, Daniel Matsunaga, MJ Lastimosa, Awra Briguela, Klarisse de Guzman, Arci Muñoz, Alora Sasam, Chie Filomeno, at Paolo Paraiso.
JAVI: "GUINA HIGUGMA TA GUID KA"
Ngayong Miyerkules, June 3, si Javi naman ang naghayag ng kanyang nararamdaman para kay Sue.
Sa pamamagitan ng Instagram, nag-post ang anak ni dating Negros Occidental Representative Albee Benitez ng larawan nila ng Kapamilya actress.
Sabi niya sa caption: “Guina higugma ta guid ka, Inday Sue [Mahal talaga kita, Inday Sue].”
Sumagot naman si Sue sa post ni Javi.
Aniya: "Palangga palangga gid, Toto Jav! [Mahal na mahal kita Jav!]"
"CAN I CALL YOU?"
Noong February 24, nag-post si Javi ng larawan nila ni Sue na kuha sa isang beach getaway nila.
Nakalagay sa kanyang caption: “Can I call you sometime?”
Simula noon, lumakas na ang usap-usapan tungkol sa pagkakamabutihan nila.
August 2019, kinumpirma ni Sue na hiwalay na sila ng dating nobyo na si Joao Constancia ng BoybandPH.
Malabo man ang kanyang paliwanag tungkol sa kanilang hiwalayan, ang malinaw lamang na dahilan ay meron daw silang “maraming differences.”
Sa guest appearance naman ng aktres sa Tonight With Boy Abunda noong September 2019, sinabi ni Sue na nais nila ni Joao na mag-work ang kanilang relasyon pero hindi daw ito nangyari.
Saad niya, “Marami kaming bagay na hindi napagkakasunduan.
“We really wanted it to work, pero pag hindi po talaga, hindi po talaga.”
(Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika)