“Looking forward to 800 more years with you.”
Ito ang nakakakilig na mensahe ni Karla, 45, sa non-showbiz boyfriend niyang si Jam Ignacio.
Ipinagdiwang ng magkasintahan ang kanilang unang anibersaryo kahapon, June 1, 2020.
Sabi ni Karla sa kanyang Instagram post kinagabihan (published as is): “My heart tell me that true love really exists!
“This is a year worth celebrating!
"Happy 1st anniversary, love.
“Looking forward to 800 more years with you. I love you.”
May kalakip na walong larawan ang post na ito ni Karla.
Makikita sa unang larawan ang love letter ng ni Jam para sa kanya.
Nakasulat dito: “Love, I believe everything happens for a reason because it led me to you. I Love You. Jam.”
VICE TO KARLA: "ANG LANDI LANDI MO!"
Asar-talo naman si Karla sa best friend niyang si Vice Ganda.
Komento ng It’s Showtime host: “Magkakasunog pa dahil sa mga kaharutan mong yan e!!!!!
"Patayin mo na ung mga kandilaaaaaaaaaa!!!!
"Ang landi landi mo!!!”
Ang tinutukoy ni Vice ay ang mga nakasinding kandila na hugis puso sa lugar kung saan nagdiwang sina Karla ng kanilang anibersaryo.
Sagot ni Karla: “@praybeytbenjamin hahahaha hahahhahahaha hoy!!!! Ingiteraaaaaaaa!!!”
Komento naman ni Ruffa Gutierrez: “Grabeeeee namannnnnn!!! 800 years talaga?? Happy anniversary! Can’t believe it’s been a year.”
Kabilang din sa mga nagkomento sa post ni Karla ay ang co-hosts niya sa Magandang Buhay na sina Jolina Magdangal at Melai Cantiveros, at iba pang celebrity friends.
“WHEN LOVE IS TRUE, THERE IS NO ENDING”
Ipinaramdam naman ni Jam ang labis na pagmamahal kay Karla.
Ibinahagi rin niya sa kanyang Instagram account ang ilang larawan mula sa kanilang anniversary celebration.
Nakalagay sa kanyang caption: “When love is true, there is no ending. Happy 1st Anniversary Love !!! I Love You !!!”
Tugon ni Karla sa mensahe ng boyfriend: “Love you too love ko.”
June 1, 2019 ang araw na nagkakilala ang dalawa.
Ito ang ikinuwento ni Jam sa ABS-CBN morning talk show na Magandang Buhay noong November 27, 2019.
Answered prayer daw para sa kanya si Karla.
Kuwento pa niyang may halong biro, “Ipinagdadasal ko kasi na may dumating sa akin na malaking pagbabago, ibinigay nga sa akin yung malaki..."
Mabilis niyang bawi sa kanyang tinuran, “Malaking puso na kayang mahalin yung kaibigan ko, pamilya ko.
“Ganoon kalaki ang puso niya, e.”
November 14, 2019 inamin ni Karla ang relasyon nila ni Jam.
Pero bago pa ito, madalas na silang nakitang magkasama sa publiko.
(Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika)