Muling nakipagsagutan si Ellen Adarna sa isang basher.
Kilala ang 32-year-old Cebuana actress na hindi pumipreno sa kanyang mga nararamdaman at gustong sabihin pagdating sa kanyang lovelife, buhay, at hitsura.
Kahapon, May 4, nag-post si Ellen sa Instagram ng kanyang post-workout look.
Nilagyan niya ito ng simpleng caption na: "#postworkout Churvaloo"
Sa comments section, muling inulan ng papuri ang kaseksihan ni Ellen mula sa mga kaibigan at followers niya.
Halos dalawang taon pa lang kasi ang nakalilipas mula nang isilang ni Ellen ang anak nila ni John Lloyd Cruz na si Elias Modesto, pero bumalik na ulit ang maganda niyang pangangatawan.
Pero may nakasingit ng isang basher, na tila naasiwa sa “stretch mark” ng aktres.
Komento ng basher (published as is): “Opps kita strech mark... papa-surgery muna ha bago mga poctorial ng frontal.
“Normal lang yan. May paraan kay Dra. Belo.
"Back in career ka muna balik flawless.”
Si Dr. Vicki Belo ay kilalang comsmetic surgeon sa bansa.
Hindi naman pinalampas ni Ellen, 32, ang komento ng basher.
Buwelta niya: " your face needs more treatment than my stretchmarks (btw, I don’t have stretch marks on my stomach just my thighs (if you can see it thru my pants then youre amazing) everyone would agree on this…”
Pinutakti naman ng panlalait at pambabatikos ang basher mula sa Instagram followers ni Ellen.
“SAVAGE”
Nagkomento rin sa post na ito ang kaibigan ni Ellen na may handlename na @jwvw.
Sabi nito: “savage!!!! 'Mic drop' peace out!”
Tawa lang ang isinagot ng aktres.
Si @jwvw din ang kapalitan ng mensahe ni Ellen tungkol sa “freedom” na ini-enjoy raw ni Ellen ngayong hiwalay na siya kay John Lloyd.
Samantala, sa nakaraang series ng Instagram Stories ni Ellen noong May 1, sinagot ng aktres ang isang netizen na nagtanong kung naranasan na ba niyang lokohin ng isang karelasyon.
Ayon kay Ellen ay naranasan na niya ito.
Pero hindi raw niya inaway o tinanong man lang ang lalaki.
Sa halip, basta umalis siya sa bahay na tinutuluyan nila nang walang pasabi.
Makalipas ang isang araw, nilinaw ni Ellen na hindi si John Lloyd ang tinutukoy niyang nanloko sa kanya.